21/10/2026 03:00 巴黎聖日耳門(法甲2) vs 巴塞隆拿(西甲1)
主勝: 27.2% 客勝: 54.4%

巴黎聖日耳門上輪歐聯作客擊敗曼城，入到四球略帶幸運成份，去到上週六聯賽輪換下作客反勝斯特拉斯堡則要付上一定代價，左閘Nuno Mendes傷出已confirm缺陣數週，右翼Akliouche俾人鏟中亦未知能否上陣。巴塞剛以5:2大勝貝迪斯，今季正賽11場全勝，Lamine Yamal近況極佳之餘，因傷缺席一場嘅Raphinha 亦已後備復出，暫時只係右路防守較為缺人。

21/10/2026 03:00 利物浦(英超5) vs 維拉利爾(西甲12)
主勝: 49.2% 客勝: 27.9%

利物浦上輪歐聯及聯賽都受惠於對手較弱或者打少一人，Wirtz接連交出助攻稍為緩解壓力，而更重要係中鋒Isak 復出更喺聯賽射入致勝入球反勝賓福特，可惜就輪到中場Szoboszlai傷咗。維拉利爾上輪歐聯3:1勝拿玻里，去到週末聯賽圍攻艾爾切卻只能悶和0:0，右路Pépé、Buchanan有機會同時缺席。

21/10/2026 03:00 史特加(德甲13) vs 馬德里體育會(西甲2)
主勝: 36.5% 客勝: 40.8%

史特加上輪歐聯作客3:0大勝施洛雲，前鋒Undav今季開齋但未能將好運keep到番德甲，另一前鋒Demirović 亦錯失良機結果輸俾漢堡，反映左閘Mittelstädt 因傷缺陣短期內都會繼續困擾住史特加。馬體會則係繼上輪歐聯主場擊敗曼聯後聯賽作客靠主力猛追以1:0險勝愛斯賓奴，但今場遇著主隊史特加攻守都唔多強，擅打低位防守轉反攻嘅馬體會取分機會唔細。

22/10/2026 00:45 科木(意甲5) vs 曼聯(英超13)

科木上輪歐聯作客2:3不敵飛燕諾，番到意甲及時反彈喺客場擊敗費倫天拿，中場Paz 保持佳態，前鋒方面則只有Kean較有機會復出，能否再保持壓迫強度成疑。曼聯上輪歐聯輸俾馬體會緊接喺英超再和列斯聯，三線傷兵狀況唔多明朗（例如Sesko、Mainoo、Shaw）隨時炮製開放式賽果。

22/10/2026 03:00 拜仁慕尼黑(德甲1) vs 阿仙奴(英超2)

拜仁上輪歐聯作客被維京迫和3:3，Olise更因兩黃一紅被罰停賽，門將Neuer帶傷已缺席星期六大勝RB萊比錫嘅德甲聯賽，及後雖已復操但仍有待觀察，利好因素則要數到翼鋒Luis Díaz回勇。阿仙奴上輪歐聯擊里爾，聯賽亦保持強勢，防線結構與定位球威脅仍係核心，呢方面對於作客拜仁嚟講將會十分重要。

22/10/2026 03:00 皇家馬德里(西甲3) vs RB萊比錫(德甲7)

皇家馬德里開季走勢未算凌厲，直至上輪歐聯作客羅馬由1:3追至4:3反勝，終能喺關鍵時刻展現出韌性，前線Mbappé、Diomande嘅火力面對剛俾拜仁血洗嘅RB萊比錫應係值得期待。RB則係疑似聯賽留力出事，右閘位俾Baku休息但竟然係改派雪到硬晒嘅Klostermann，番到歐聯賽場希望陣容會較為理性。