英超精選賽前分析(21/03/2026-22/03/2026)

足球資訊 | 英格蘭超級足球聯賽(2022/23) | 發布日期: 19/03/2026

直播資訊: Now TV, NowE

21/03/2026 04:00 般尼茅夫(英超10) vs 曼聯(英超3)

主勝: 37.2% 客勝: 37.9%

般尼茅夫足總盃出局以來連續九場不敗，雖然係冇輸但亦只係勝出其中三場，排名僅係第十已同踢歐洲賽嘅目標越來越遠。曼聯則有Fernandes儲夠聯賽16個助攻超越碧咸，前鋒Sesko出場時數減少但keep到入波，稍為擔心係後方，Martinez已缺席咗最近四場。

21/03/2026 20:30 白禮頓(英超12) vs 利物浦(英超5)

主勝: 25.3% 客勝: 48.5%

白禮頓今季排名第12，右翼Minteh復出後表現明顯提升，為隊伍帶來更多進攻活力。而上場贏新特蘭時缺席嘅左翼三笘薰則有望今場復出重現雙翼齊飛。利物浦星期三歐聯十六強次回合勝加拉塔沙雷後上晉級，本有下台壓力嘅教練Slot暫避一劫，但利記今季仍難擺脫飄忽難測嘅特性。

21/03/2026 23:00 富咸(英超11) vs 般尼(英超19)

主勝: 53.8% 客勝: 22.6%

富咸近期表現未如理想，上週同森林打和兩敗俱傷，爭奪歐洲賽資格嘅希望越來越渺茫，今場務必要靠主場之利喺般尼身上全取三分先保持到「搶飛」嘅希望。

22/03/2026 01:30 愛華頓(英超8) vs 車路士(英超6)

主勝: 21.8% 客勝: 53.8%

愛華頓於上週主場對阿仙奴雖然取得主導權，但最終俾對方16歲新星Dowman反擊惜敗。車路士週中喺歐聯十六強次回合主場迎戰巴黎聖日耳門踢到雜亂無章，毫無還擊之力現場觀眾睇到擰晒頭，上場英超亦都輸咗俾紐卡素，來季要打歐霸都未係穩陣。

22/03/2026 04:00 列斯聯(英超15) vs 賓福特(英超7)

主勝: 21.1% 客勝: 58.2%

列斯聯上場對水晶宮儘管中場Gudmundsson領紅被逐，最終雙方仍只係以0:0收場，有埋呢一分列斯聯要留級已經相對穩陣有利球員自由發揮。同樣係和局，客隊賓福特上週僅和狼隊就慘情得多，面對中下游對手再有閃失隨時要再嚟一次歐賽夢碎。

22/03/2026 20:00 紐卡素(英超9) vs 新特蘭(英超13)

主勝: 62.8% 客勝: 14.5%

紐卡素最近表現兩極化，上週佢哋喺史丹福橋得自2012年以嚟首次勝仗，但隨即歐聯十六強次回合作客巴塞以2:7慘遭血洗，防守潰散令球隊信心明顯受損，球隊如何快速重整陣容同心態面對新特蘭嘅挑戰已成為外界關注焦點。新特蘭近況轉弱，過去五場僅得一勝，關鍵後防球員Dan Ballard上場更因傷離場，如果評為未能復出就要寄望另一傷兵Mukiele趕及補上。

22/03/2026 22:15 阿士東維拉(英超4) vs 韋斯咸(英超18)

主勝: 46.4% 客勝: 31.8%

韋斯咸防守表現近期有所提升，先後贏咗富咸同摸和曼城，令球隊士氣大振，同第16嘅熱刺僅差一分。呢方面係近況一般嘅維拉需要注意之處。維拉今期要準備歐霸十六強兩回合維拉嘅賽事，兩場之間就剛好作客輸俾曼聯送埋個第三俾對方。

22/03/2026 22:15 熱刺(英超16) vs 諾定咸森林(英超17)

主勝: 47.7% 客勝: 33.3%

筋疲力竭嘅熱刺「守諾」留力英超盡做，上週賽和利物浦，歐聯十六強次回合亦總算主場贏波謝幕，今季評價唔多好嘅幾位前線球員Tel、Kolo Muani、Simon都有所貢獻，無疑對士氣有所提升。稍為麻煩係Solanke、Gallagher各因傷病缺席呢場歐聯，能否復出鬥森林仍係未知。講到壓力森林呢邊會更大，新教練Pereira帶領下仍未能喺英超取得首勝，唔想俾韋斯咸扒頭嘅話餘下賽程都只係幫到些少。

同場加映聯賽盃決賽：阿仙奴(英超1) vs 曼城(英超2)

（請留意網站詳細分析）

分類:

足球資訊

英超精選賽前分析(21/03/2026-22/03/2026)

分類:

標籤:

關於我們:

快速連結:

聯絡我們: