F1「海豚跳」

賽車資訊 | 一級方程式技術分析 | 發布日期: 27/02/2022

經過第一輪既測試，相信各車隊都已經了解到改例後既賽車表現係點。有趣既係3日既西班牙測試，各車隊都係直路上遇上海豚跳效應(proposing)既問題，令到賽車係到達一定速後就產生上下跳動，影響到賽車係直路又或高速彎既表現。

今年可以話係海豚跳效應近年第一次發生係一級方程式賽車上。原因在於今年既賽車改用地面效應產生下壓力。以舊年平治既賽車w12為例，當賽車去到一定既速度後，車尾既懸掛系統令車尾高度降低，利用擴散器失速效應，提高賽車直線速度。當賽車尾部壓得夠底，擴散器產生既下壓力就會完全喪失，同時阻力減少，令到賽車速度更快。

不過係今年改例後，本身已經使用地面效應既賽車係高速環境會降低車身高度。呢個動作令到Venturi tunnel既空氣流量減少，所產生既下壓力同樣下降。減少左既下壓力會令到車身高度上升，呢個時候又會因為車身高度提升，Venturi tunnel既流量回復正常，所產生既下壓力又令賽車高度下降。如是者賽車係高速既路段就會產生上下跳動。

除左會影響速度，不斷上下跳動係會對車手做成不適，情況就好似暈船浪。更加有機會令到賽車係高速彎道突然失去下壓力，發生意外。車隊低估左海豚跳效應既影響，係因為呢種跳動冇係CFD/風動測試中岀現。最簡單既解決方法就係提高車身高度，令到底板產生一個相對穩定既下壓力。不過咁會意味住賽車會犧牲部分性能表現，所以唔會係一件易事。今季相信最早解決呢個問題既車隊可以係積分上攞到唔少優勢。

分類:

賽車資訊

F1「海豚跳」

分類:

標籤:

關於我們:

快速連結:

聯絡我們: