24/10/2026 03:00 葉士域治(英超10) vs 諾定咸森林(英超19)
主勝: 12.7% 客勝: 69.3%

葉士域治上輪作客曼城「僅以」2:3落敗，球隊喺高位壓迫同轉守為攻時仍具威脅，不過開季七輪已失15球仍會係個硬傷。諾定咸森林上週則係主場0:1不敵阿仙奴，近三輪全敗、七輪僅入五球，攻力明顯不足，中鋒Igor Jesus本月內都應該未出到，隊長攻中Gibbs-White則喺休養一場復操過後OK，應會即時復出。

24/10/2026 19:30 阿士東維拉(英超12) vs 曼城(英超1)
主勝: 19.0% 客勝: 60.4%

曼城球員對於115 charges一於少理，聯賽開季七連勝之外週中歐聯雖大幅度輪換仍以5:1大勝AEK雅典，前線有Foden、Cherki發力減輕Haaland負擔，亦應可暫時彌補到Semenyo膝傷缺陣嘅空缺。嚟緊就要睇近況稍有回升嘅維拉能否keep得住主場對曼城已經三連勝嘅有趣勢頭：維拉上週英超作客贏紐卡素後，四日內再輕裝上陣喺歐聯擊敗挪威代表維京，已錄得近六場正賽不敗，但隱疾在於兩閘Wan-Bissaka、Ruggeri先後掛彩，歐聯更出現兩位中路球員J. Gomes及Mings串演兩閘嘅奇景，此外攻中Manzambi能否復出仍係成疑。

24/10/2026 22:00 阿仙奴(英超2) vs 愛華頓(英超8)
主勝: 72.2% 客勝: 8.0%

阿仙奴右翼Saka喺週中歐聯作客拜仁整親退場，教練Arteta直言情唔樂觀，基於Tzolis後出無期，大有機會係Eze充任左翼再叫Madueke踢右翼正選。防線方面Hincapie亦只係剛恢獨自訓練，未咁快可以補充後防兵源。

25/10/2026 00:30 車路士(英超4) vs 熱刺(英超16)
主勝: 47.3% 客勝: 29.9%

呢場倫敦打比焦點落喺客隊中場與及主隊後防：熱刺去到第7週先可以靠主場大勝升班馬高雲地利取得聯賽首勝，長唞逾年嘅中場Kulusevski後備復出帶嚟希望，期望進一步提升體能以填補Bentancur停賽嘅空缺。另一方面車路士門將E. Martínez上週作客顎骨骨折開埋刀，將要啟動季外借斯特拉斯堡嘅21歲門將Penders。

25/10/2026 22:00 水晶宮(英超14) vs 紐卡素(英超11)
主勝: 35.4% 客勝: 39.6%

水晶宮上輪英超作客白禮頓輸到0:5，週四歐霸作客比錫達斯，雖然有Pino與及久休復出嘅Mateta追平2:2，但面對對手少打一人仍未能取勝，Mateta重返正選但似乎又相整親，連帶另一前鋒Strand Larsen同告傷出，令水晶宮鋒線人手更緊張。客隊紐卡素近四場英超輸咗三場，教練Jaissle雖仍獲高層俾機會觀察，但球隊近況同更衣室壓力都已接近臨界點。

25/10/2026 22:00 利物浦(英超5) vs 白禮頓(英超3)
主勝: 35.4% 客勝: 39.6%

利物浦輸俾曼城後正賽三連勝，期間Wirtz場場有入球或者助攻壓力稍減，但更值得期望係防中Gravenberch坐完波聯將會復出，有望聯同Mac Allister重建雙防中鞏固防守，稍為抵銷Szoboszlai傷出嘅缺口。白禮頓為呢場大戰都留咗唔少力，星期四歐霸客場大幅度輪換之下同積布尼克互交白卷。

25/10/2026 22:00 曼聯(英超13) vs 般尼茅夫(英超15)
主勝: 54.2% 客勝: 24.8%

曼聯開季七輪英超僅一勝，上輪主場俾列斯聯逼和1:1之後歐聯更作客俾新丁科木大炒4:1，正賽連續七場不勝。教練Carrick喺歐聯排出用B費打「假9」嘅怪陣應該好後悔。同樣要分心歐賽嘅般尼茅夫上輪贏新特蘭先至係Rose上任後首場英超勝仗，更幸運係歐霸趁對手AC米蘭早早盃十人應戰而大勝，體能消耗又減輕咗啲。

26/10/2026 00:30 新特蘭(英超20) vs 列斯聯(英超7)
主勝: 47.7% 客勝: 21.7%

新特蘭上輪0:2不敵般尼茅夫更有中堅Danso領紅，隨後喺星期四大幅度輪換踢歐霸客場賽和列治普斯納，更俾傷癒嘅中場Diarra正選上場。番到英超Danso要坐波監，教練Le Bris需要重組防守結構作客列斯聯。而列斯聯近五輪英超維持同一張正選名單取得1勝3和1負，上輪主場1:1賽和曼聯，係太穩陣定太保守就見仁見智。