17/10/2026 19:30 愛華頓(英超5) vs 車路士(英超6)
主勝: 35.3% 客勝: 40.0%

夏季轉會窗搞到一鑊粥嘅愛華頓開季意外地踢得平穩，兩勝四和13年來再次首六輪不敗之下暫列英超第五，排名比客隊億萬大軍車路士還要高，今仗會否再有驚喜則視乎已重返後備名單嘅防中Norgaard能否儘快催谷狀態落場搏殺。車路士上週主場大炒般尼茅夫則有少少幸運成份，（xG本來只得1.1），就連教練Alonso都話解釋唔到點解經常可以喺早段就破門令形勢傾斜。

17/10/2026 22:00 賓福特(英超4) vs 利物浦(英超9)
主勝: 37.1% 客勝: 41.2%

賓福特開季成績同愛華頓相同，計埋跨季就更已係近八場主場不敗，嚟緊就好睇客隊利物浦嘅發展方向。利物浦俾人用放大鏡𥄫實嘅二年生Wirtz與及一年生Barcola去到歐聯客場將於交出表現，回歸英超則要評估埋防中Gravenberch停賽以及Szoboszlai、Gakpo、Isak三大要員嘅康復進度對球隊帶嚟幾大嘅影響。

17/10/2026 22:00 富咸(英超20) vs 侯城(英超8)
主勝: 34.4% 客勝: 40.5%

富咸六戰不勝已跌至榜尾，新帥Arbeloa上任後仍未取得首場聯賽勝仗，路邊社話球員已經唔妥Arbeloa嘅風格，認為會輕視咗防守，而事實上富咸今季已喺各場嘅最後15分鐘階段共失五球，間接導致三敗一和嘅劣績，呢種狀態面對肯壓肯攻嘅侯城縱有主場之利亦唔幫得好多。

17/10/2026 22:00 曼城(英超1) vs 葉士域治(英超10)
主勝: 83.8% 客勝: 6.5%

曼城撐過人腳唔齊嘅利物浦，撐唔過狀態大勇嘅PSG呢關，終止埋教練Maresca接手後嘅八連勝。但呢場歐聯客場波曼城xG其實比PSG還要高（2.57 vs 1.83），就連PSG主帥Enrique都承認場波帶有幸運成分。葉士域治亦係同樣幸運地輪遇上富咸得以收獲升班以來嘅第三勝，今仗更有翼鋒Fatawu刑滿復出，但作客曼城就算主隊繼續有翼鋒Foden停賽都仍然係一大挑戰。

18/10/2026 00:30 紐卡素(英超11) vs 阿士東維拉(英超16)
主勝: 56.2% 客勝: 22.1%

紐卡素上輪作客高雲地利爆大冷以1:4大敗，暴露防線組織與中場硬度問題，嚟緊Joelinton、Burn、Dedic、Osula 多位傷兵都有望重返比賽，只係距離回到最佳體能仍需要些少時間，當中只有Joelinton較有機會踢番正選。歐聯積分比英超積分還要高嘅維拉接下來則好睇後防嘅恢復進度，當Konsa離隊影響明顯、Mings狀態又未如理想嘅時候，已喺週中歐聯復出踢足全場嘅Torres將會起關鍵作用。

18/10/2026 21:00 般尼茅夫(英超18) vs 新特蘭(英超17)
主勝: 41.8% 客勝: 31.5%

般尼茅夫英超開季仍未嘗一勝，教練Rose承認整體表現欠佳，但轉過頭佢哋又喺歐霸轉踢4-4-2再勝一仗，之前嘅前線傷兵Kluivert、Adli 亦已復出。客隊新特蘭亦喺歐霸利用大輪度輪換保存戰力，中場Diarra、中鋒Brobbey經歷傷患後都已回歸後備席有望今場復出搏殺，只係後防另外兩位傷員Ballard、Meunier情況仍未明朗。

18/10/2026 21:00 白禮頓(英超3) vs 水晶宮(英超12)
主勝: 49.4% 客勝: 25.2%

白禮頓防中Groß已喺今季十首正賽中造出40次射門機會，球隊亦剛喺歐協聯主場大幅度輪休之下大勝，今場較大挑戰在於中堅Struijk需要停賽。水晶宮贏森林後接連作客里昂、白禮頓、比錫達斯，對球隊體能管理、輪換幅度與防線穩定性都帶嚟好大挑戰，而星期四歐霸輪換作客里昂就已先輸1:2，翼鋒I.Sarr傷癒復出仍有待提升狀態，嚟緊要寄望正選門將D. Henderson都能夠復出。

18/10/2026 21:00 列斯聯(英超7) vs 曼聯(英超13)
主勝: 36.2% 客勝: 37.6%

列斯聯上輪作客僅負阿仙奴1:2，狀態尚可。曼聯則已連續五場正賽不勝，隊長B. Fernandes喺歐聯0:2不敵馬德里體育會之後公開批評球會，可能面臨內部處分亦掀起小風波。嚟緊需留意曼聯新防中Baleba傷癒復出帶嚟嘅變化，佢喺對馬體會呢場敗仍然獲得好評。

18/10/2026 23:30 諾定咸森林(英超15) vs 阿仙奴(英超2)
主勝: 16.0% 客勝: 53.4%

森林上輪作客水晶宮再輸一場，翼鋒Hudson-Odoi傷癒復出縱有表現仍無力挽回全隊喺下半場嘅集體崩盤。阿仙奴則趁住聯賽歐聯連續兩場主場保持正選框架，先小勝列斯聯再大勝里爾，現時目光應已投放喺下星期三歐聯作客拜仁慕尼黑呢場大戰。

20/10/2026 03:00 熱刺(英超19) vs 高雲地利(英超14)
主勝: 58.2% 客勝: 10.7%

客軍高雲地利近期改變打法，唔再死守改為保留攻守切換靈活性初嚐甜頭，已先後擊敗森林以及紐卡素，後者贏到4:1就更係大大提升咗士氣，而且今場更會有前鋒Awoniyi刑滿復出。熱刺上輪打少一個仍能喺最後關頭追平曼聯，教練De Zerbi大讚揚球員夠晒團隊精神，但後遺症並唔輕，領紅嘅防中Bentancur停賽三場之餘亦估計另有手尾，對於矢志趁對升班馬搶得開季首勝嘅熱刺而言難度又再提升。