10/10/2026 02:30 多蒙特(德甲1) vs 雲達不來梅(德甲8)
主勝: 80% 客勝: 10.4%

雲達頭四場聯賽平均入兩球夠晒驚喜，但防守隱患一直存在，長假期間同川迪踢友誼賽更係淨吞七蛋，教練只能死撐話係球員心態有問題所致。多蒙特估計都會出現一啲調整，右閘 Ryerson國際賽受傷位置應要由Svensson頂上，新攻中Karetsas代表希臘踢咗三場半都應需要輪休調整。

10/10/2026 21:30 賀芬咸(德甲14) vs 漢堡(德甲16)
主勝: 65.8% 客勝: 14.9%

漢堡原想場休假期間搞友賽幫球員提升狀態，可惜係反令隊中傷情惡化，繼攻中主力Grönbaek後連兩個主力前鋒Daka、Poulsen都已經傷埋，年輕攻中Vieira有可能要推前充當「假9」。長期前歐霸、德甲兩連敗嘅主隊賀芬咸情況變化不大，左閘Bernardo應會長抖嘅同時另一位長抖咗一整季嘅主力中堅町田浩樹則已經ready。

10/10/2026 21:30 奧格斯堡(德甲4) vs 拜仁慕尼黑(德甲2)
主勝: 17% 客勝: 65.2%

奧格斯堡久不久會爆冷贏到拜仁，而今期兩隊排名差距更係只差兩位爭添咗場波嘅話題性。奧格斯堡上季彈起嘅中場Rieder今季後移，同Massengo組成double 6俾到驚喜，而國際賽前輸俾不來梅就提醒佢哋仍需努力改進自己。拜仁多位球星要打國際賽，Kimmich、Pavlovic每人幫德國踢兩場算係減輕咗負擔，但中鋒Kane嘅使用量都算高，而攻中Musiala就更係有輕傷未必會趕及復出。與此同時開季缺態嘅左翼Luis Diaz與及左閘Davies今期都有得免役爭取時間恢復，呢幾點或會成為左右大局嘅變數。

10/10/2026 21:30 緬恩斯(德甲6) vs 利華古遜(德甲5)
主勝: 24.3% 客勝: 53.5%

近年星味減弱等多種因素都令利華古遜少咗球員要踢國際賽，就連喺聯賽靠個人能力多次救番隊波嘅中鋒Schick亦都因個人選擇而暫別捷克，而新加盟踢四場助攻三次嘅左閘Gutierrez亦都即已跟唔上西班牙條大隊，大可以趁長假作進一步調整。緬恩斯中後場Amiri、Caci等主力開季未上晒力導致協防能力不足，亦同樣希望趁長假追番進度。

10/10/2026 21:30 柏林聯(德甲17) vs 艾華斯堡(德甲7)
主勝: 26.2% 客勝: 52.2%

柏林聯新帥Lustrinelli新打法水土不服已係人所共知，國際賽前主場俾拜仁炒夠七粒都未洗走人已係奇跡。重迎引入四後衛打法嘅Lustrinelli到埗至今仍未搵到防線嘅最佳組合，冇門將Rönnow左撲右撲隨時唔止失17球。新升班嘅艾華斯堡俾到驚喜之餘亦需慎防對手趁長假加多兩錢肉緊study佢哋打法，尤其係防守高波、長傳方面相對較弱嘅缺口。

11/10/2026 00:30 RB萊比錫(德甲9) vs 法蘭克福(德甲18)
主勝: 70% 客勝: 14%

法蘭克福球員開季四場波狀態未得，導致有三場係下半場俾對手逆轉，今場主隊RB萊比錫只要谷番起狀態就一定打番新帥Demichellis力推嘅4-3-3 高位壓迫，法蘭克福如果仍未準備好嘅話將難以接招。

11/10/2026 21:30 科隆(德甲13) vs 慕遜加柏(德甲16)
主勝: 55.3% 客勝: 23.5%

慕遜加柏開季踢到一盤散沙，球會亦決定改請上季教聖保利嘅Blessin帶隊。Blessin雖然可以趁國際賽檔期執整隊波但同時卻要面對陣中嚴重嘅傷情：主力中堅Diks同板倉滉、防中宇野禪斗，以至右翼Honorat都先後加入十字軍。主場科隆亦都一再受到打擊，佢哋喺假期友賽中折損晒一對主力前鋒Ache同Dallinga，後者更有傳今季已經bye-bye。缺乏前場掩護下失誤頻頻嘅防線將受更大考驗。

11/10/2026 23:30 弗賴堡(德甲3) vs 史浩克04(德甲11)
主勝: 76.3% 客勝: 9.2%

弗賴堡異軍突起，連帶主力都有得亮相國際賽，其中新代表德國出征嘅右閘Treu、左翼Scherhant都累積唔少落場時間，對弗賴堡整體發揮或會構成影響。客隊史浩克升班頭四場收獲五分應算達標，但開季以來攻擊線就只有攻中Aouchiche入過波，整體表現極待提升。