12/09/2026 02:30 柏林聯(德甲15) vs 史浩克04(德甲14)

柏林聯今季喺新帥Lustrinelli手下轉打高位壓迫，但執行同防線協防仍要時間磨合，喺大敗俾利華古遜後Lustrinelli自己都承認轉踢四後衛需時適應，更何況兩個前鋒Burke、Ilic都應該未能復出。史浩克04上週主場0:0守和拜仁，進攻火力仍然不足（兩場都未能入波）得嚟防守算硬，佢哋呢套低控球、密集防守或會適應到柏林聯嘅壓迫打法（04中場Schallenberg繼續停賽）。

12/09/2026 21:30 多蒙特(德甲3) vs 柏達邦(德甲12)

多蒙特星期二喺歐聯以3:2擊退維拉利爾，前鋒Guirassy 梅開二度有回勇跡象，但希臘新攻中Karetsas暈低要送院檢查預要休息一輪，副選中堅Mané亦告受傷，後防與中場輪換受壓，面對柏達邦以攻代守或能揚長避短（前鋒Inacio停賽）。柏達邦上輪德甲0:1不敵弗賴堡，控球率近六成但都踢成14射冇入波，禁區內最後一傳與射門選擇欠銳利，今場面對打到高壓嘅多蒙特缺點應會更為放大。

12/09/2026 21:30 賀芬咸(德甲16) vs 史特加(德甲9)

史特加去到上週主場4:1大勝科隆固然對手殘陣，但本身進攻流暢，反映Undav、Demirović、Führich、El Khannouss 等攻擊點已經建立番默契，再到歐聯主場3:1贏維京，數特加正選幾乎全主力上陣，估計教練Hoeneß係用「以賽代練」方式維持番隊波嘅狀態同節奏。賀芬咸已係近四次聯賽主場未贏過史特加，副隊長Prömel更已轉投對家擔正，而下週中嘅歐霸賽事亦令賀芬咸多咗幾分顧慮。

12/09/2026 21:30 弗賴堡(德甲2) vs 慕遜加柏(德甲17)

弗賴堡今季開局唔錯，歐協聯外圍賽、德國盃全勝之餘，聯賽首兩週亦受惠於較弱對手而拎盡六分。慕遜加柏則係繼利華古遜後第二支輸俾升班馬艾華斯堡嘅隊伍，後衛Elvedi離隊嘅缺口頗為明顯，新組合亦未建立起默契，進攻火力進一步受限。如果有主場之利嘅弗賴堡早段入波，慕遜加柏應好難追。

12/09/2026 21:30 奧格斯堡(德甲1) vs 利華古遜(德甲7)

奧格斯堡借用拜仁攻中A.Ibrahimovic替代受傷嘅Kade 即刻交到貨，加上法蘭克福佈陣唔夠威脅，奧格斯堡成功拎晒三分兼過榜首癮。利華古遜上週反彈主場4:0大勝柏林聯，教練Martínez殺著在於將中場Maza改放左路，同左閘Gutierrez嘅疊瓦產生到化學作用，接落嚟就要睇點樣穩定埋條防線。

12/09/2026 21:30 緬恩斯(德甲5) vs 法蘭克福(德甲13)

緬恩斯今季開季一和一勝，上週作客五球大炒漢堡，但呢場大勝好大原因係漢堡實力太弱，當面對進攻更有組織嘅對手時未必夠穩。而法蘭克福上週則喺主場大敗俾奧格斯堡，兩場聯賽已經失咗七球，佢哋輸在後衛喺壓前之後輕易俾對手反擊，延續咗Hütter回歸前已經存在嘅漏洞。

13/09/2026 00:30 科隆(德甲11) vs 雲達不來梅(德甲10)

雲達不來梅上週主場以3:1爆大冷贏RB萊比錫，好大原因係萊比錫中場兩大要員Reitz、Gruda缺陣直接影響戰力。不來梅本身用Grüll搭配Dinkçi、Füllkrug兩位借將嘅進攻組合接近成形，但中場Lynen同Stage同期傷出，防守轉換上仍有隱憂。科隆上週亦遇上中場S. El Mala、Dallinga同時因病缺席招致大敗，今場兩人應可主場復出。

13/09/2026 21:30 RB萊比錫(德甲8) vs 漢堡(德甲18)

RB萊比錫中場缺人、前鋒缺銳利度嘅問題從聯賽延伸到歐聯賽場，星期四作客歐聯新丁科木輸到1:4，稍為慶幸係Gruda已能後備上陣，上週另一傷兵Reitz則未咁快可以復出。漢堡新陣容磨合未順，進攻組織仍未穩定，今場寄望較熟悉球隊運作嘅中場F. Vieira回巢後逐步提升創造力。

13/09/2026 23:30 艾華斯堡(德甲4) vs 拜仁慕尼黑(德甲6)

拜仁星期四以5:0大勝歐聯黑馬波杜基林特，即使早早領先仍維持高強度壓迫，未有提前收起主力，反映球隊目前更重視持續建立比賽節奏，呢場波亦喜見Musiala傷癒復出，增加番中路突破和後上支援。艾華斯堡升班以嚟連贏兩場樂極生悲，教練Wagner因紀律問題今場被判要坐番上觀眾席。