17/10/2026 02:30 法蘭克福(德甲14) vs 科隆(德甲10)
主勝: 55.2% 客勝: 23.7%

法蘭克福上輪作客俾萊比錫狂數6:0，隊長Robin Koch半場更已俾教練Hütter收起，賽後亦成為箭靶，被認為係法蘭克福缺乏真正領袖嘅象徵。科隆則喺萊茵打吡以2:1擊敗慕遜加柏，終止連續廿場正賽失球嘅紀錄，但就贏咗啖氣輸咗要員：中場防守核心Skhiri有機會係今季長唞。

17/10/2026 21:30 柏林聯(德甲16) 1:1 多蒙特(德甲2)
主勝: 25.1% 客勝: 51.3%

柏林聯上輪終於以1:0 險勝升班馬艾華斯堡，取得今季首勝，但入球過程略帶幸運未能代表佢哋已經渡過危險期。多蒙特則係繼俾雲達不來梅追平之後再喺歐聯客場輸俾波杜基林特，不論係維持領先優勢以至追趕對手嘅場上管理上都未盡完善，但球會宣佈已經同Kovac整個教練團續約。

17/10/2026 21:30 漢堡(德甲12) vs 史特加(德甲11)
主勝: 32.8% 客勝: 45.0%

漢堡取得聯賽兩連勝本應係開心事，但隊長兼防守中場核心Remberg於上週比賽中右膝前十字韌帶撕裂，今季報銷帶來毀滅性嘅打擊。史特加同樣有左閘Mittelstädt長唞，再加上要分心下週中對馬體會嘅歐聯賽事，但不得不留意佢哋一心栽培嘅門將Seimen傷癒復出已係德甲、歐聯兩場作客正賽不失球兼且贏晒。

17/10/2026 21:30 史浩克04 (德甲13) vs 緬恩斯(德甲8)
主勝: 24.4% 客勝: 55.8%

史浩克04核心問題在於攻力偏弱，正如上週對弗賴堡都未能把握多踢一人嘅優勢反而再度失波全失三分。緬恩斯上週主場對利華古遜輸波得嚟仍展現出極強嘅進攻韌性，短期內防守仍會係較為令人擔心：正選門將Zentner手部傷患仍未完全康復，兩場已失八球嘅二號龍Schwolow估計要繼續把關。

17/10/2026 21:30 艾華斯堡(德甲9) vs 奧格斯堡(德甲6)
主勝: 44.3% 客勝: 36.3%

艾華斯堡上輪作客柏林聯少咗右閘Gyamerah與及中場Onyeka兩位要員，即以0:1落敗。Gyamerah如今已全面操練有望復出，而Onyeka則係機會輕低。奧格斯堡上週逼和拜仁過後信心進一步提升，前中後Ribeiro、Fellhauer、Dahmen帶領之下面對拜仁仍展現出一貫嘅攻守快速轉換值得一讚。

18/10/2026 00:30 拜仁慕尼黑(德甲3) vs RB萊比錫(德甲5)
主勝: 77.5% 客勝: 9.9%

拜仁上輪聯賽作客奧格斯堡被逼和2:2，歐聯又喺挪威維京個人造草場搞到要十人應戰被追成3:3，連續兩場喺領先後失分。拜仁下週中更要迎戰阿仙奴，喺攻中Musiala以及門將Neuer休養進度不明之下，拜仁想要全力中止不勝走勢抑或要留力歐聯，都需要一番思量。萊比錫則喺上週主場6:0大勝法蘭克福，星期二歐聯再憑 Gruda一箭定江山擊敗燕豪芬，取得今季歐聯首勝並延續主場連勝。球員年代踢拜仁嘅教練Demichelis 認為球隊已非常接近佢理想中嘅打法模式，但需知道RB嚟緊係要接連作客拜仁與及皇馬。

18/10/2026 21:30 利華古遜(德甲4) vs 弗賴堡(德甲1)
主勝: 71.3% 客勝: 12.3%

兩隊今仗同樣受歐賽前後夾擊：利華古遜上輪作客緬恩斯險勝4:3，比賽管理、穩定性方面仍需改善，而賽前賽後兩場歐霸都係作客較為奔波。弗賴堡上週則係捱過前鋒鈴木唯人領紅呢關力克史浩克04重返榜首，先唔理下一場歐霸對手係摩納哥，單講今場聯賽少咗要停賽嘅鈴木估計影響會幾顯而易見。

18/10/2026 23:30 慕遜加柏(德甲18) vs 賀芬咸(德甲17)
主勝: 53.3% 客勝: 27.5%

慕遜加柏上週有新帥Blessin接手作客仍以1:2不敵科隆， 成隊波投入程度與結構上需改見到改善，但最終右後防仍難敵S. El Mala嘅個人突破能力。慕遜加柏五連敗後繼續排榜尾，而短期內傷兵滿營嘅問題難以改善，唯一寄望係中鋒Kleindienst能夠趕及復出。今季嘅賀芬咸睇嚟係應付唔到一週兩賽，聯賽一勝四負靠慕遜加柏墊底，歐霸接連面對比錫達斯與及里昂對佢哋嚟講更可算係魔鬼賽程。