12/02/2025 曼城 vs 皇家馬德里

足球資訊 | 歐洲聯賽冠軍盃(2024/25) | 發布日期: 09/02/2025

比賽日期	主隊	客隊	主勝機率	和局機率	客勝機率
2025-02-12 04:00	曼城	皇家馬德里	37.78 %	22.33 %	39.89 %

主勝機率	和局機率	客勝機率
37.78%	22.33%	39.89%

排名: 英超(5) vs 西甲(1)

歐洲豪門曼城(2023年冠軍)同皇家馬德里(2024年冠軍)今季歐聯表現都差過預期，未能直接進入十六強，需要踢多場淘汰賽決定生死。皇家馬德里排第11，而曼城要踢到最後一場反勝布魯日先確定附加賽資格排22。

連續第四個賽季冤家碰頭，皇家馬德里2021/22賽季四強加時戲劇性淘汰曼城，2022/23四強曼城報返一箭之仇，兩回合總比數5:1贏皇家馬德里，最後捧走球會第一個歐聯。上季再喺八強相遇，皇家馬德里互射十二碼淘汰曼城，亦能捧盃而回。歐洲球壇兩隊重磅球隊本來有機會製造夢幻決賽「歐聯打吡」，有一隊即將要結束歐聯之旅。

近期皇家馬德里狀態唔錯，喺週六馬德里打吡前連贏五場，每場至少攻入3球。周中國王盃安巴比(Kylian Mbappé)避戰，而雲尼素斯(Vinicius Junior)亦先列後備，以3:2擊敗利根尼斯晉級四強。雖然打吡加榜首大戰只能1:1賽和馬體會，安巴比繼續係隊中發揮作用，佢聯賽入咗16球，近八場比賽亦有9個入球，經過季初適應期之後，已經係隊中首席射手。呢場歐聯大戰前皇馬未有多傷兵，魯迪加(Antonio Rüdiger) 對愛斯賓奴時大腿受傷仍養傷中，卡馬雲加(Eduardo Camavinga)傷癒復出星期六後備上陣。

曼城喺冬季轉會窗大規模引援，近況有改善仍欠缺穩定。上場英超對阿仙奴，預期嘅一番惡鬥並冇出現，球員信心不足表現差勁，作客大敗1:5，唔單止終止曼城聯賽六場不敗嘅紀錄，亦係今季第四次失4球或以上。星期六足總盃作客奧連特先落後，域高路易斯(Rico Lewis)嘅射門省中侯辛諾夫(Abdukodir Khusanov)追和，再由迪布尼(Kevin De Bruyne)後備落場射入致勝一球，叫做為嚟緊大戰提升一下士氣。另一個剛加盟，被哥迪奧拿寄予厚望，認為係洛迪替身嘅歷高干沙利斯 (Nico González)，地標戰足總盃上陣廿分鐘就傷出，哥迪奧拿表示希望佢歐聯可以上陣。

過去的12場交手中，曼城贏4場，皇家馬德里則贏3場，另5場和局收場。曼城共攻入21球，皇家馬德里18球。論對賽往績似乎不相伯仲，但近況嚟講，作客嘅皇馬就相對佔優。

分類:

足球資訊

12/02/2025 曼城 vs 皇家馬德里

分類:

標籤:

關於我們:

快速連結:

聯絡我們: