01/06/2025 巴黎聖日耳門 vs 國際米蘭

足球資訊 | 歐洲聯賽冠軍盃(2024/25) | 發布日期: 29/05/2025

排名: 排名: 法甲(1) vs 意甲(2)

直播資訊: Now 643, NowE, beIN Sports

巴黎聖日耳門、國際米蘭兩隊從未喺任何歐洲賽事上正面交鋒，今次一碰面就已經係歐聯決賽。不論賽果如何，慕尼黑喺星期六晚都將會產生出2010年以嚟首隊非西甲、英超、德甲冠軍，而2010年嘅冠軍正正就係國際米蘭。

PSG喺2020年嘅閉門決賽一球僅負拜仁慕尼黑，今次係佢哋第二次闖入決賽。回想番當賽季初玩新制歐聯，PSG同時要面臨巨星麥巴比離隊帶來的進攻缺口，長期瀕臨出局邊緣。然而，當翼鋒迪比利（Ousmane Dembele）轉型中鋒成功，一下子就成為PSG下半季嘅支柱（歐聯14場入8球）。

如今，PSG法甲、法超盃以至法國盃冠軍都已經在手，如果能喺今場決賽擊敗國米就會成為四冠王。但呢個時候正值迪比利嘅低潮期，佢近一個月嚟受傷患影響，已缺席過三場法甲，就算喺一星期前嘅法國盃決賽踢足90分鐘仍然俾人覺得係有啲勉強。如果迪比利去到決賽仍未能回復最佳狀態，入球重任就要交俾佢兩旁嘅巴高拿（Bradley Barcola）與及基化史基尼亞（Khvicha Kvaratskhelia），喺法國盃決賽主理兩個助攻嘅19歲法國翼鋒杜爾（Desire Doue，歐聯有三個入球）亦可擔當奇兵。

被編為客隊嘅國際米蘭喺前年嘅歐聯決賽輸俾曼城，今季再接再厲，八強同四強階段連續淘汰拜仁慕尼黑同巴塞羅拿，除咗門將桑馬（Yann Sommer）撲救能力與PSG門神當拿隆馬（Gianluigi Donnarumma）同樣令人驚訝之外，呢隊國米嘅火力與韌勁亦係重要看點之一。進攻方面喺隊長拿達路馬天尼斯（Lautaro Martinez）領軍之下更為強調前場進攻深度，加上有另一前鋒馬古斯杜林（Marcus Thuram）走位配合，馬天尼斯今季歐聯已錄得九個入球，成績遠勝前年。但國米嘅內部隱憂確係不能輕視，例如喺決賽前前一星期的意甲煞科戰，只係落後榜首拿玻里一分嘅國米作客第10位嘅科木竟然都出現大幅度輪換，都唔知係太有信心定抑或係球員狀態上有所顧慮。此外教練施蒙尼恩沙基正因為成績太好得到多隊青睞，當中包括咗趕住埋班遠征世冠盃嘅沙特富豪球會希拉爾（PSG、國米踢完歐聯決賽後亦會參加世冠盃）。而施蒙尼恩沙基係決定踢完決賽先再同國米談判決定去留，咁樣拖法或多或少都會影響軍心。（歐聯X圖片）

分類:

足球資訊

01/06/2025 巴黎聖日耳門 vs 國際米蘭

分類:

標籤:

關於我們:

快速連結:

聯絡我們: