英格蘭足總宣布，杜曹將於2025年起擔任英格蘭主帥一職。杜曹係計卡比路同艾歷臣之後，英格蘭足球史上第三位外籍領隊。

對於杜曹執教，球迷名宿意見頗為兩極。事實上，要喺英超搵個土炮頂級領隊教國家隊談何容易，杜曹個CV咁亮麗，贏過大賽錦標，係車路士甚至英超其中一位最成功嘅領隊。比起其他空降嘅外籍領隊，佢熟悉英格蘭球員同傳媒。另一方面，英格蘭情意結嘅球迷就要求「英人教英人」，每日郵報今日更以「英格蘭黑暗的一天」做頭條迎接新領隊，加上英格蘭同德國以往係世仇，對部份球迷嚟講情感上難以接受。

西班牙藉領隊馬天尼斯教完比利時又教葡萄牙，阿根廷嘅普哲天奴剛開始執教美國，聘請外籍教頭已經係近年大勢所趨。