英超賽前分析(10/05/2025-11/05/2025)

足球資訊 | 英格蘭超級足球聯賽(2024/25) | 發布日期: 10/05/2025

10/05/2025 22:00 富咸(英超11) vs 愛華頓(英超14)

自一月中後未喺英超和過波（七勝八負）嘅富咸上週輸俾維拉，若非第8夠仍然有機會打歐協聯，富咸早已可以準備放暑假。

10/05/2025 22:00 葉士域治(英超18) vs 賓福特(英超9)

賓福特今期有左翼Schade撐起，近兩場已取得三個入球，上週贏埋曼聯締造三連勝，則更令佢哋有意欲搶上或有可能玩到歐協聯嘅第八名。

10/05/2025 22:00修咸頓(英超20) vs 曼城(英超3)

曼城幾經辛苦搾番轉五連勝喺歐聯區稍為喘定，前鋒Haaland齋坐唔復出住都仍有倒數中嘅De Bruyne繼續上演謝票場小勝狼隊，餘下賽程仍需要出盡全力保住席位。

10/05/2025 22:00 狼隊(英超13) vs 白禮頓(英超10)

白禮頓同樣有需要爭取未知有冇得踢歐協聯嘅第八名，右翼Minteh上週打破八場入球荒令白禮頓守得和紐卡素，對球隊重拾士氣有一定幫助。狼隊雖然冇嘢好爭，但前鋒Cunha上場對曼城依然十分活躍，難免令人聯想到圍繞佢嘅一堆離隊傳聞。

11/05/2025 00:30 般尼茅夫(英超8) vs 阿士東維拉(英超7)

般尼茅夫發力遲咗好大機會頂盡排第八，現時較樂觀嘅想法係曼城贏足總盃令第八都有得打歐協聯。僅高出一位而仍有機會重返歐聯區嘅維拉，嚟緊先後要對全力留力歐霸嘅熱刺同曼聯，賽程方面較主隊或見得稍好，但短期內則需要先面對翼鋒Rashford繼續缺席帶嚟嘅影響。

11/05/2025 21:15 曼聯(英超15) vs 韋斯咸(英超17)

主客兩隊同樣欠缺方向。韋斯咸接連對晒歐霸兩支決賽隊伍，上星期追平熱刺但整體仍然踢得無厘神氣。曼聯星期四full team打歐霸，今場大有機會用借嚟幫班球員做運動恢復。

11/05/2025 21:15諾定咸森林(英超6) vs 李斯特城(英超19)

想打歐聯嘅森林四月至今輸多過贏失分太多，接下來對李斯特城、韋斯咸兩場不容再失。李城上週海軍鬥水兵贏修咸頓，終結主場九連敗，與此同時隊長Vardy終結11場食白果嘅紀錄，展開離隊前嘅最後一舞。

11/05/2025 21:15 熱刺(英超16) vs 水晶宮(英超12)

同樣打入歐霸決賽嘅熱刺喺英超寓賽於操，上星期作客韋斯咸只得一分都冇咩所謂，更重要係隊波展現到一定韌性。若單計戰意，仍可以FF衝上第八嘅客隊水晶宮可能會反而更高。

11/05/2025 23:30 利物浦(英超1) vs 阿仙奴(英超2)

早前阿仙奴分心歐聯導致聯賽成績下滑（四月至今二勝三和一負），如今歐聯四強出局，番到英超就要小心提防後上來勢洶洶嘅曼城，如果已經奪冠嘅利物浦好似上星期咁有少量輪換就最好不過。

大數據預測中心