18/05/2025 阿仙奴 vs 紐卡素

足球資訊 | 英格蘭超級足球聯賽(2024/25) | 發布日期: 17/05/2025

比賽日期	主隊	客隊	主勝機率	和局機率	客勝機率
2025-05-18 23:30	阿仙奴	紐卡素	59.4 %	21.3 %	19.3 %

主勝機率	和局機率	客勝機率
59.4%	21.3%	19.3%

排名: 英超(2) vs 英超(3)

歐聯席位爭奪戰已經去到白熱化階段，幾隊爭五份子喺聯賽榜不斷上上落落，去到季尾仍然好戲連場。紐卡素會帶住今季對阿仙奴三戰三勝嘅佳績，作客酋長球場。上場喺前五競爭對手度搶走3分升上第三，今場如果作客贏波，將會壓過對手再升一級。作為歐聯資格關鍵一戰，兩隊都會搏到盡，全取3分就可以鎖定下季歐聯一席。

紐卡素上場面對同樣係爭緊歐聯一席嘅車路士，喺開賽冇幾耐就憑東拿利(Sandro Tonali)禁區內射入，尼高拉積遜(Nicolas Jackson)肶㬹領紅後踢少個嘅車路士，下半場仍然冇放軟手腳，紐卡素臨完場前由基曼尼斯(Bruno Guimarães)射成2:0。對手阿仙奴作客英超盟主利物浦，各踢半場好波，上半場稍欠爭勝心先失兩球，換邊後反客為主壓住對手，憑馬天尼利(Gabriel Martinelli)同美連奴(Mikel Merino)嘅入球，2:2逼和利物浦。

美連奴雖然入波，之後兩黃一紅呢場需要停賽，疑似大腿受傷被換出嘅托沙(Leandro Trossard)，同因臀部傷患缺陣嘅迪勤懷斯(Declan Rice)已恢復操練，暫未知道能否趕及上陣，而二月份開始養傷嘅夏維斯(Kai Havertz)已經復出。紐卡素嘅查比亞(Kieran Trippier) 仍未傷癒，中場硬漢祖爾靈頓(Joelinton)膝部受傷，可能錯過餘下兩場賽事。

兩隊對碰嘅焦點會係中場之爭，阿仙奴嘅迪勤懷斯同湯瑪士柏迪(Thomas Partey)需要面對硬淨兼體力化，亦有入球能力嘅紐卡素中場基曼尼斯同東拿利，兩者近況火熱，對車路士各入一球。

論近期表現，輕取車路士嘅紐卡素佔優，但阿仙奴主場強勢，相反客隊紐卡素作客近六場作客只係贏咗兩場。今季最後一場主場賽事，阿仙奴必定會全力出擊，務求喺球迷面前踢場好波，保住個聯賽第二，為今季畫上圓滿句號。

分類:

足球資訊

18/05/2025 阿仙奴 vs 紐卡素

分類:

標籤:

關於我們:

快速連結:

聯絡我們: