11/05/2025 紐卡素 vs 車路士

足球資訊 | 英格蘭超級足球聯賽(2024/25) | 發布日期: 10/05/2025

比賽日期	主隊	客隊	主勝機率	和局機率	客勝機率
2025-05-11 19:00	紐卡素	車路士	54.8 %	21.8 %	23.5 %

主勝機率	和局機率	客勝機率
54.8%	21.8%	23.5%

排名: 英超(4) vs 英超(5)

英超前五競爭激烈，聯賽仲有三場，第二至第七只係相距7分，六隊爭奪來季歐聯一席。利物浦已經攞咗歐聯入場券，另一個歐聯位大概已經被阿仙奴鎖定，餘下三個位就爭崩頭。排第四嘅紐卡素同第五嘅車路士現時同分(63)，得失求差都係+21，紐卡素只憑勝仗較多排高啲。餘下嘅賽程唔止係冇失分空間，連得失球差都要兼顧，呢場輸個六分波就隨時拱手相讓個歐聯位比對手，難怪馬利斯卡亦話嚟緊三場都要當決賽打。

紐卡素近20場攞咗43分，得分僅次於聯賽冠軍利物浦(46)，盡顯前列分子本色。自從贏聯賽盃之後氣勢如虹，聯賽一鼓作氣衝咗幾場後，個勢稍為回落，近三場1:4不敵維拉，贏葉士域治同上星期和白禮頓，調整期算係黎得唔及時。車路士早前八場贏三場之後，近三場發力先喺西倫敦打吡贏富咸，再贏愛華頓，上星期主場又擊敗利物浦。兩隊如下嘅賽程，除咗呢場互片，紐卡素要作客阿仙奴同主場對愛華頓，而車路士會主場對曼聯同作客森林，兩隊餘下兩場都唔算容易。

紐卡素要搶分仍然靠前鋒伊薩(Alexander Isak)喺前面衝鋒陷陣，自十二月起佢入咗19球，今季入球少過沙拿5球，仍然有機會捧走金靴。上場聯賽對白禮頓先落後，下半場加強攻力，最後只能靠臨完場前伊薩嘅十二碼追和1:1。車路士上場對已經封王嘅利物浦，對手輪換加上仍然party mode，車路士全場控制戰局，高爾彭馬(Cole Palmer)非常活躍，多次扭過對手作出重要傳送，亦射入十二碼，係佢一月中之後嘅首個入球，唔單止協助球隊全取3分，場上嘅表現亦令大家覺得上季嘅彭馬正式回歸，佢嘅復甦對衝五極為重要。

今季紐卡素喺聯賽盃曾經主場贏過車路士2:0，兩隊實力相若，一場惡鬥無可避免。紐卡素主場出名夠硬，近四場主場全勝，有球迷打氣下形勢會佔優。

分類:

足球資訊

11/05/2025 紐卡素 vs 車路士

分類:

標籤:

關於我們:

快速連結:

聯絡我們: