09/04/2026 巴黎聖日耳門 vs 利物浦

足球資訊 | 歐洲聯賽冠軍盃(2025/26) | 發布日期: 06/04/2026

比賽日期	主隊	客隊	主勝機率	和局機率	客勝機率
2026-04-09 03:00	巴黎聖日耳門	利物浦	57.8 %	20.5 %	21.7 %

主勝機率	和局機率	客勝機率
57.8%	20.5%	21.7%

排名: 法甲(1) vs 英超(5)

直播資訊: Now 643, NowE, beIN Sports

巴黎聖日耳門同利物浦再次於歐聯淘汰賽碰頭，上季兩軍已在十六強碰面，當時兩回合總比數1:1，最終巴黎憑互射十二碼晉級。嚟到今季，利物浦一直處於動蕩之中，三月國際賽檔期完後先上演一場足總盃八強對曼城嘅大賽，慘吞四隻光蛋，場上球員防守消極之餘，前線亦一再失機，領隊史諾再被推上風口浪尖，更再一次炒熱名宿沙比阿朗素回歸執教嘅傳聞。

單講人腳，門將艾利臣新近受傷無疑係件壞消息，而前線方面，今季從紐卡素天價加盟嘅中鋒伊薩（Alexander Isak）長期養傷、2026年至今未落過場，去到上週末足總盃一度傳出有望復出最終都係落空，但亦再傳出復出戰會改喺今場歐聯八強首回合。話說「紅軍」今季同樣以天價購入前鋒伊基迪基（Hugo Ekitike，圖右）與及攻中穫斯（Florian Wirtz），但三叉戟同場獻技嘅時間少之又少，呢個亦都可以話係史諾嘅擋箭牌。史諾自然希望今場三叉戟有機會再度合體，既可以多一個打亂主隊PSG部署嘅殺著，亦可以減少對已處於半放棄狀態嘅沙拿（Mohamed Salah）以至加普（Cody Gakpo）嘅依賴。

至於主隊巴黎聖日耳門則剛喺法甲輕取中游份子圖盧茲3:1，中鋒丹比利（Ousmane Dembele）今季受傷患影響錯過唔少比賽之餘統計數字亦唔係亮麗，但新一年已有復蘇跡象，對圖盧茲梅開二度之後2026年至今已追番八個法甲入球，右閘兼隊長夏基美（Achraf Hakimi）停賽一場後復出即有活躍表現，稍為令人擔心係教練安歷基近期將正選門將卓法利（Lucas Chevalier）貶為後備，改為扶正沙方洛夫（Matvey Safonov），但沙方洛夫表現又未至於極有說服力。

不過PSG仲有一道場外殺著：佢哋拉埋歐協聯代表斯特拉斯堡入紙，成功向法國足總申請到將下一輪聯賽推遲，好等歐賽兩回合淘汰賽之間有更充足嘅恢復時間。PSG八強階段已經用過同樣招數，咁橋又真係兩回合8:2大炒另一英超代表車路士，利物浦今次都咪話唔驚。咁不過「利記」喺歐聯賽場嘅戰意始終有番咁上下，上一圈十六強就算先輸首回合仍可以番到主場大勝加拉塔沙雷上演大逆轉，呢班波嘅韌度仍然不能忽視。而當明知PSG兩回合之間可以休息多啲，利記今場定必要更為集中，喺牌面輸蝕嘅惡劣形勢下盡量減少客場損失。

分類:

足球資訊

09/04/2026 巴黎聖日耳門 vs 利物浦

分類:

標籤:

關於我們:

快速連結:

聯絡我們: