歐聯精選賽前分析 (17/09/2025-19/09/2025)

足球資訊 | 歐洲聯賽冠軍盃(2025/26) | 發布日期: 16/09/2025


17/09/2025 00:45 畢爾包(西甲3) vs 阿仙奴(英超2)

上季西甲殿軍畢爾包喺新球季維持有一定表現,開季四場贏咗頭三場,直至上週輸俾艾拉維斯。畢爾包從艾納斯引入前曼城Laporte一度俾UEFA裁定為不合規,雖然上訴成功並將轉會日期date back返去9月1日,但到截稿時仍未確認佢應否補番注冊即刻歐聯上陣。阿仙奴上週聯賽對森林有新加盟中場Zubimendi梅開二度,喺傷兵較多之下總算傳嚟一個喜訊。


17/09/2025 03:00 皇家馬德里(西甲1) vs 馬賽(法甲7)


17/09/2025 03:00 祖雲達斯(意甲2) vs 多蒙特(德甲2)

祖雲達斯賽前仍需要惡鬥國際米蘭,Thuram兩兄弟各為其主各有入球背後係祖雲達斯頭兩場不失球變成一口氣失夠三球。多蒙特出係前只需要面對海登咸,開季三場射到入四球嘅中鋒Guirassy將會再次成為各界焦點。


17/09/2025 03:00 熱刺(英超3) vs 維拉利爾(西甲5)

熱刺喺英超表現尚可,新收購嘅Xavi Simons被安排進佔前隊長「孫仔」嘅左翼位置即送上助攻,從PSG借用嘅中鋒Kolo Muani則仍等待機會上場。維拉利爾西甲開季三連勝但對手都係弱旅,一遇到馬體會即輸0:2


18/09/2025 03:00 巴黎聖日耳門(法甲1) vs 阿特蘭大(意甲7)

阿特蘭大自贏得2023/24歐霸盃後陸續有主力離隊,鋒芒已有所收斂,上季歐聯亦未能晉身十六強,剛喺上星期先至獲得今季意甲首勝,而開季至今首席射手Lookman仍然扭緊想走一場未踢,亦已確定唔會隨隊作客巴黎,對於國際賽檔期一次過失去前鋒DembeleDoue嘅衛冕冠軍PSG而言可謂一大喜訊。


18/09/2025 03:00 拜仁慕尼黑(德甲1) vs 車路士(英超5)


18/09/2025 03:00 利物浦(英超1) vs 馬德里體育會(西甲10)

利物浦喺英超開季有驚無險擸盡12分,上週末更係以補時十二碼贏般尼連續兩場不失球,同時展現出韌性。不過整體而言球隊嘅進攻組合仍要等機會磨合,例如新報到嘅中鋒Isak就因為體能問題未及上陣對般尼試腳。對手馬體會世冠之旅表現僅屬一般,番到西甲更係出閘脫腳,上週末先至以20擊敗維拉利爾取得首勝,門將Oblak亦終於做到clean sheet。(馬體會前鋒Julian Alvarez因傷未有隨隊出發)


19/09/2025 03:00 曼城(英超13) vs 拿玻里(意甲1)

所謂嘅抽籤就係比利時十號中場De Bruyne轉會之後要即刻倒戈:拿玻里喺意甲表現出色,目前三戰全勝排聯賽榜首,曼聯借將前鋒Hojlund到埗首仗對費倫天拿即有士哥,嚟緊佢伙拍De Bruyne嘅前曼市組合將會係一大睇頭。曼城近期在英超表現起伏不定,剛剛喺曼市打比3:1戰勝曼聯挽回士氣,攻守兼備嘅前鋒Haaland再次成為焦點。


19/09/2025 03:00 紐卡素(英超10) vs 巴塞隆拿(西甲2)
巴塞主場館魯營球場擴建仍未搞掂,「好在」歐聯首戰係作客賽事。巴塞喺翼鋒Yamal因傷缺陣、中鋒Lewandowski休息大半場之下仍然大炒華倫西亞6:0。主隊則有新中鋒Woltemade首戰一箭定江山小勝狼隊。(Yamal今場將繼續缺陣)


關於我們:

大數據預測中心以龐大、持續更新的數據庫為基礎,捕捉國際足球、NBA籃球、F1賽車等大型運動的比賽趨勢,並配合隊伍、運動員的近況與焦點話題作進一步技術分析,助你提升欣賞體育賽事的樂趣。


© 2020-2025 Bigdata Prediction Center