16/04/2026 拜仁慕尼黑 vs 皇家馬德里

足球資訊 | 歐洲聯賽冠軍盃(2025/26) | 發布日期: 13/04/2026

比賽日期	主隊	客隊	主勝機率	和局機率	客勝機率
2026-04-16 03:00	拜仁慕尼黑	皇家馬德里	44.2 %	22.8 %	33.0 %

主勝機率	和局機率	客勝機率
44.2%	22.8%	33.0%

排名: 德甲(1) vs 西甲(2)

直播資訊: Now 643, NowE, beIN Sports

拜仁慕尼黑首回合作客班拿貝球場，令人意外係踢到似自己打主場咁。已踏入40歲嘅門將紐亞（Manuel Neuer）新近傷癒復出即有神勇表現，多次救出近距離攻門，協助拜仁守贏2:1，自己都拎埋player of the match。

拜仁一換邊就由趕及復出嘅哈利卡尼（Harry Kane）遠射領先到2:0，卻隨即開始唔穩。皇馬換入比寧咸（Jude Bellingham）後放生華維迪（Federico Valverde）、雲尼素斯（Vinicius Jr.）側擊，拜仁中後場壓力驟增，贏到最後係有些少運氣幫忙。拜仁番到德甲聯賽作客面對少咗隊長積臣艾雲（Jackson Irvine）嘅聖保利，即使全隊大幅輪換仍然大勝5:0，提前五輪打破自己保持咗54年嘅德甲入球紀錄。論賽前形勢、論球員狀態，呢一刻嘅拜仁已係處於極好嘅位置，門將以外唯一傷兵就只有新星卡爾，與及需留意梅斯亞拉（Jamal Musiala）仍未回復本來功力，頂多係進攻上會少咁啲變化。

回顧番歐聯嘅淘汰賽歷史，拜仁喺2001年又係首回合作客班拿貝贏波，及後更笑到最後贏埋冠軍，而皇馬歷來則只係試過八次先輸首回合，但當中就只有一次能夠逆轉晉級，單論往績皇馬無疑係輸蝕好多。而事實上皇馬今季一路走來未見好具霸氣，門將古圖奧斯自十六強淘汰曼城後長期受傷缺陣、一度養傷五個星期嘅比寧咸就算復出表現亦一直反覆，首回合放佢落場就足以打亂拜仁防線，但教練艾比路亞就係唔敢放佢踢正選，可見處境有幾尷尬。

皇馬喺西甲接連失分俾巴塞隆拿拋離，本應週五主場對基羅納唔可以放軟手腳，但皇馬仍要忍痛喺後防位置做大幅度輪換，結果又係打和再失兩分，呢一刻西甲、歐聯已變成兩頭唔到岸。呢場和局唯一值得參考係艾比路亞呢套4-4-2已見番曹亞文尼（Aurelien Tchouameni）伙拍比寧咸，嚟緊客場能否高效運轉就好睇呢對組合能否去番高水準發揮，此外主力中堅美列度奧（Eder Militao）自四月復出以嚟亦都慢慢增加番落場時間，今場要靠佢鞏固到後防前面先至夠膽反攻拜仁。

分類:

足球資訊

16/04/2026 拜仁慕尼黑 vs 皇家馬德里

分類:

標籤:

關於我們:

快速連結:

聯絡我們: