19/06/2025 00:00 G組 曼城(英超3) vs 韋達卡薩白蘭卡(摩甲3)

2021/22非洲聯賽冠軍盃冠軍韋達已連續三屆錯過摩洛哥甲組聯賽寶座，中場自前摩洛哥國腳Amrabat以後已欠缺踢得上國家腳嘅大名字，隊中最佳射手係踢過荷蘭U21嘅翼鋒Rayhi。對手班霸曼城喺英超只能保住個第三，為咗世冠已進行三線補強，當中以馬賽來投嘅法國右翼Cherki最為矚目。 

---

19/06/2025 03:00 H組 皇家馬德里(西甲2) vs 希拉爾(沙職聯2) 

---

19/06/2025 06:00 G組 帕丘卡(墨超16) vs 薩爾斯堡(奧超2)

半年前打入洲際盃決賽嘅帕丘卡，喺本土聯賽已係接連多屆表現低迷，為咗為加世冠盃唔失禮於人，球會完成聯賽後改聘教過墨西哥國家隊嘅Lozano做教練，同時又向另一墨超隊伍托盧卡商借主力中堅Pereira。一度壟斷奧地利超聯達十季嘅薩爾斯堡亦已連續兩季「失手」，歐聯連續三屆分組賽出局之餘，就連奧地利盃都已係連續三屆未入決賽，今季遇上首席射手K.Konate受傷長唞，陣中較突出嘅就只有奧地利國家隊門將A.Schlager與及以色列21歲攻中Gloukh。

---

19/06/2025 09:00 G組 艾阿恩(阿職聯5) vs 祖雲達斯(意甲4)

2023/24亞冠得主艾阿恩喺阿聯酋聯賽嘅排名拾級而下，如今不滿足於只靠摩洛哥前鋒Rahimi，於是喺世盃冠前引入今季有歐霸經驗嘅突尼西亞中場Ben Romdhane，更喺阿特蘭大搵咗前葡萄牙正選門將Patricio把守最後一關。祖雲達斯三月緊急換帥總算保得住來季歐聯資格，事實上會方仍未搞清主力射手Vlahovic嘅去留意向，而今季打起嘅借將翼鋒F.Conceicao則已蓄勢待發，要為自己嘅未來打拼。

---