世冠盃賽前分析(26/06/2025-27/06/2025)

足球資訊 | 世冠盃 | 發布日期: 25/06/2025

直播資訊: DAZN

26/06/2025 03:00 F組多蒙特(德甲4) vs 蔚山HD(韓職4)

已經出局嘅蔚山前鋒前兩場對辛當斯與富明尼斯所見，進攻偶有成果但始終防守脆弱，而多蒙特喺大熱天時亦都踢唔出應有嘅防守水準，蔚山HD為保亞洲代表面子或會放手一搏。第二場對富明尼斯爭到做正選即錄得一入球一助攻嘅中場李鎮賢（Jin-hyun Lee）或會有更多表現機會。

26/06/2025 03:00 F組馬姆洛迪辛當斯(南非超1) vs 富明尼斯(巴甲6)

富明尼斯對蔚山HD都尚會失過兩球，而有三分在手嘅辛當斯保留咗出線機會，教練期望對多蒙特時有好表現嘅左右中場Matthews與Ribeiro會繼續有好表現。

26/06/2025 09:00 E組國際米蘭(意甲2) vs 河床(阿甲B2)

河床表現反覆，上場0:0賽和擅守嘅蒙特雷甚至係控球率都輸埋，創造最多入球機會嘅中場Castano更係臨完場先嚟領紅。國際米蘭藉第二循環贏浦和紅鑽重拾狀態，嚟緊目標自然係超越河床上番E組榜首。

26/06/2025 09:00 E組浦和紅鑽(日職6) vs 蒙特雷(墨超5)

蒙特雷先後賽和國際米蘭及河床，後防除咗有S.Ramos之外，門將Andrada亦都係兩場合共只失一球嘅功臣。紅鑽則已喺首兩場共失五球提前出局。

27/06/2025 03:00 G組韋達卡薩白蘭卡(摩甲3) vs 艾阿恩(阿職聯5)

兩隊同樣成為祖記曼城嘅點心提前出局，艾阿恩淨得失球差比韋達再差六球亦打消埋爭番個梗頸三嘅念頭，韋達38歲嘅中場重心Amrabat話唔定有得休息。

27/06/2025 09:00 H組薩爾斯堡(奧超2) vs 皇家馬德里(西甲2)

皇馬改打4-3-3開始發揮作用，尤其中場Bellingham大佬及Güler喺對帕丘卡時都有出色表現各入一球。Güler更表示因為新帥沙比肯視自己為中場而唔係翼鋒，將更有信心留隊等待更多表現機會（Mbappe預計仍未能趕及復出）。

27/06/2025 09:00 H組希拉爾(沙職聯2) vs 帕丘卡(墨超16)

希拉爾首兩場都只能打和成績稍為令人失望，排名俾識守唔識攻嘅薩爾斯堡超越亦十分尷尬，對防守偶有失誤嘅帕丘卡將會係希拉爾爭取出線兼保住顏面嘅最後機會。