29/06/2025 00:00 彭美拉斯(巴甲4) vs 保地花高(巴甲8)

巴甲四隊代表全數出線十六強，亦話咁快造就巴甲內戰。分組賽尾場對國際邁阿密略感吃力嘅彭美拉斯喺巴甲排名高過保地花高，但值得留意係近兩年聯賽盃賽彭美拉斯都冇贏過保地花高（二和三負）。 

---

29/06/2025 04:00 賓菲加(葡超2) vs 車路士(英超4)

賓菲加一球小勝過埋拜仁成為C組首名，獲得嘅「回報」卻係十六強即刻要對車路士。車仔喺分組賽俾咗唔少心機試人試陣，進入淘汰賽用人方面應會較為審慎。 

---

30/06/2025 00:00 巴黎聖日耳門(法甲1) vs 國際邁阿密(美職東岸6)

PSG對邁阿密美其名係美斯新舊東家嘅對決，實情係兩隊實力並唔處於同一層次，就算PSG馬不停蹄終於稍現疲態，佢哋嘅進攻對於邁阿密後防嚟講都係一大挑戰。 

---

30/06/2025 04:00 法林明高(巴甲1) vs 拜仁慕尼黑(德甲1)

法林明高分組賽最後一場面對背水一戰嘅FC洛杉磯顯得有啲吃力。拜仁C組最後一場對賓菲加受制於酷熱天氣作出多個換人，雖然輸波但就剛好避開車路士。

---

世冠盃將進入淘汰賽，而十六強階段期間正值部分球員同球會嘅合約到期，因此大會喺6月27日至7月3日特設第二期嘅球員注冊期，容許各支打入十六強嘅隊伍最多補選兩名球員。此外十六強嘅開波時間亦與分組賽唔一樣，球迷記住要留意。