世冠盃賽前分析(20/06/2025-21/06/2025)

足球資訊 | 世冠盃 | 發布日期: 19/06/2025

直播資訊: DAZN

20/06/2025 00:00 A組彭美拉斯(巴甲4) vs 艾阿里(埃超聯2)

艾阿里揭幕戰賽和國際邁阿密其實係機會更多更靚嘅一方，門將El Shenawi表現亦十分搶鏡，美洲代表彭美拉斯想取得首勝就需要改善門前把握能力，避免0:0俾波圖守和嘅賽果再次發生。

20/06/2025 03:00 A組國際邁阿密 (美職東岸6) vs 波圖(葡超3)

國際邁阿密喺揭幕戰多次錯過黃金機會，改善得到防守嘅同時亦都未能取得入球。另一方面波圖上場對彭美拉斯則展現出強大嘅防守能力，面對邁阿密並口輸蝕。

20/06/2025 06:00 B組西雅圖海灣者(美職西岸6) vs 馬德里體育會(西甲3)

海灣者首場一鼓作氣力追保地花高，最終未能追平但仍可見真主場踢出士氣。馬體會上場對PSG俾人炒夠四蛋，如此狀態維持落去嘅話單靠球員級數難言穩勝。

20/06/2025 09:00 B組巴黎聖日耳門(法甲1) vs 保地花高(巴甲8)

保地花高上場對海灣者勝在早早入夠兩球，下半場總算守到完場拎晒三分，今場面對狀態勁fit嘅PSG難度勢將升級。

21/06/2025 00:00 C組賓菲加(葡超2) vs 奧克蘭(新西蘭北聯3)

半職業級別嘅奧克蘭首仗力戰拜仁輸夠十粒，防線完全緊縮之下較獲好評嘅係防中Ilich。賓菲加首場同小保加合力炮製三張紅牌，賓菲加方面要停賽嘅只係後備前鋒Belotti相對已係小事。

21/06/2025 06:00 D組 FC洛杉磯(美職西岸5) vs 艾斯柏蘭斯(突甲1)

兩隊美洲代表同樣喺首場分組賽做唔到具威脅嘅攻勢，FC洛杉磯面對車路士交唔到貨都算情有可原，而艾斯柏蘭斯對法林明高則係完全被比下去，嚟緊極需要及時調節。

世冠盃話咁快就完成分組賽首循環，32支參賽隊伍亦已悉數亮相。第二循環嘅分組賽將會喺香港時間星期五緊接上演，今次我哋會一口氣檢閱星期五、六嘅第二循環首8場賽事，其中會重點觀察星期六嘅兩場大波。