世界盃C組、D組第二輪賽前分析(20/06/2026)

足球資訊 | 2026世界盃 | 發布日期: 19/06/2026

20/06/2026 03:00 D組美國(世界19) vs 澳洲(世界22)

美國分組賽首戰火力全開，前鋒Balogun順利跑出取得入球，Weah後備登場亦即交出助攻，加上半場領先3:0後已即時收起皇牌Pulisic，整體攻力已令大家嚟緊有更大期望。澳洲首戰大膽改用年輕化正選陣容，配合五後衛全程捱打，果然算中身型輸蝕嘅土耳其之餘，更出現教科書式嘅兩次反擊就入兩球嘅劇本。嚟緊面對體格相當而火力更強嘅主隊美國，先可算係真正考驗。

20/06/2026 06:00 C組蘇格蘭(世界19) vs 摩洛哥(世界6)

蘇格蘭上仗憑McTominay個人能力製造險情兼由McGinn先開紀錄全取三分，但下半場明顯俾世界盃稀客海地壓制，xG數據甚至輸俾對手，中場今仗對手換成摩洛哥相信唔會有喘息空間。摩洛哥嚟到世界盃正賽都能夠摸和巴西，跨年不敗場數已去到30。教練Ouahbi換血初步所見係成功，轉籍後只踢到第四場嘅中場Bouaddi亦一如所料彈出，Ouahbi已揚言佢同埋另一中場新血El Aynaoui會繼續正選上陣。

0/06/2026 08:30 C組巴西(世界5) vs 海地(世界85)

巴西首戰進攻雖有Vinícius Jr.個人突破製造威脅，但其餘鋒線拍檔極為鬆散，陣地戰組織亦俾新興勢力摩洛哥化解。今仗對排名低咗足足80位嘅海地已變成非勝不可嘅面子之戰，主帥Ancelotti亦已預告今仗中場、前線會有較大變動。海地防線上場面對蘇格蘭展現出不俗嘅身體質素與及組織合指程度，中軸防守硬淨，要反擊時亦俾到蘇格蘭一定威脅，未能追平稍為可惜，今仗大概可以仿傚摩洛哥首戰打法進一步鞏固中路防守、注意壓迫上嘅細節再踢多場好波。

20/06/2026 11:00 D組土耳其(世界26) vs 巴拉圭(世界42)

土耳其首戰有隊長Calhanoglu及時傷癒回歸卻同時未能將前鋒新星Yildiz用足全場，組織進攻有層次得嚟欠咗埋門一腳，結果俾身型佔優嘅澳洲兩次反擊收死。今仗好消息係傳出Yildiz有望回歸正選，中場亦會嘗試起用法蘭克福中場Uzun扭轉局面。巴拉圭首戰美國敗陣，但有主力攻中Enciso趕及復出並放個直線助攻，較為善守嘅巴拉圭有佢之下有望攻守做得較為平衡。

分類:

足球資訊

世界盃C組、D組第二輪賽前分析(20/06/2026)

分類:

標籤:

關於我們:

快速連結:

聯絡我們: