世界盃J、K、L組第三輪賽前分析(28/06/2026)

足球資訊 | 2026世界盃 | 發布日期: 25/06/2026

直播資訊: Now TV

28/06/2026 05:00 L組巴拿馬(世界42) vs 英格蘭(世界4)

巴拿馬雖然兩戰全敗已肯定小組包尾出局，但兩場踢出嚟都係僅輸一粒並不失禮，上一仗面對克羅地亞尚可以組織出嚴密防線壓迫亦都俾到力。英格蘭參考上場俾加納守和嘅教訓，杜曹已答應今次會改派翼鋒Saka踢出選。

28/06/2026 05:00 L組克羅地亞(世界13) vs 加納(世界64)

加納喺對英格蘭一役踢出極強防守紀律，成功將對手壓到只得兩次射正，顯示佢哋面對強隊時唔係純粹捱打，而係懂得用低位陣型同反擊去偷空位。今場最大關鍵或會係老化嘅克羅地亞能否嘆慢板得嚟提升番進攻效率。Modrić已完成國家隊第 200 場，經驗同中場控制仍然係佢以至全隊嘅優勢，但如果傳球節奏同前場走位仍然唔快，加納就有更多時間回防、重組低位防線，令比賽陷入拉鋸。

28/06/2026 07:30 K組哥倫比亞(世界11) vs 葡萄牙(世界7)

今場將會係K組首名之爭。葡萄牙要靠大炒烏茲別克證明陣中球員可以好有化學作用，但對手實力相差太遠始終令人懷疑葡萄牙面對更強嘅隊伍時能否踢番出相同嘅氣勢同表現。相比之下哥倫比亞中場同兩翼嘅串連穩定，Luis Díaz、James Rodríguez 同 Munoz未算下下都踢得耀眼但仍可以持續拉扯對手防線。

28/06/2026 07:30 K組剛果民主共和國(世界47) vs 烏茲別克(世界58)

烏茲別克對葡萄牙除咗有一個被推翻嘅長程靚射以外，就已係乏善足陳，相比之下剛果民主共和國先後守和葡萄牙、一球僅負於哥倫比亞，佢哋嘅防守組織同韌性用嚟招呼烏茲別克應係夠用。再加上前面有Yoane Wissa，順利取勝的話就有望以第三名身份出線。

28/06/2026 10:00 J組阿爾及利亞(世界28) vs 奧地利(世界23)

奧地利上一場0:2不敵阿根廷，後防扭盡六壬都防唔到神勇Messi唔會有人苛責，反而係進攻端缺乏優質利器呢個賽前已知嘅先天缺憾再一次浮上水面。如今奧地利首名無望、阿爾及利亞從後而上擊敗約旦又追到同奧地利同分，擺喺奧地利眼前嘅現實就係第三名出路隨時會更好（假設西班牙發揮正常守住H組首名），但輸俾阿爾及利亞僅有三分嘅話又有機會唔夠分出線。

28/06/2026 10:00 J組約旦(世界72) vs 阿根廷(世界1)

約旦輸晒頭兩場，上一場更係先入波後俾阿爾及利亞反超，踢起上嚟防守能力同經驗都爭咁一截。今場以出局之身迎戰已拎J組首名嘅阿根廷，就算阿根廷方面願意減少Messi落場時間保存實力，雙方底子差距仍較難鼓勵到約旦放心試打主攻，反而係假如真係俾Messi輪休，首戰接棒踢最後10分鐘嘅科木攻中Nico Paz就更值得大家期待。

*各隊世界排名以第二輪完成後版本為準

分類:

足球資訊

世界盃J、K、L組第三輪賽前分析(28/06/2026)

分類:

標籤:

關於我們:

快速連結:

聯絡我們: