2026世界盃 - I組伊拉克 | 大數據預測中心

2026世界盃 - I組伊拉克

足球資訊 | 2026世界盃 | 發布日期: 11/06/2026

2026年4月世界排名: 57
世界盃往績：1986年分組賽出局
教練：阿諾特（澳洲）

澳洲教練阿諾特帶領自己國家踢外圍賽成績欠佳，需要問責下台，但佢好快搵到另一個舞台東山再起，呢個舞台就係2007年亞洲盃冠軍伊拉克。伊拉克首次世盃之旅已係1986年嘅事，今次則係先經歷亞洲區外圍賽激戰再通過跨洲附加賽擊敗玻利維亞，展現出呢套班底近年嘅進步與及喺競爭壓力下迸發出嘅團隊精神。但抽得入有阿根廷同埋奧地利嘅I組，難度已經高得可以索性豁出去踢，向大家展示國家最新面貌反而可能係更重要嘅任務。

阿諾特接手後，令伊拉克踢得更有組織、更加務實，亦已有部分球員打入歐洲中游聯賽，喺技術同戰術紀律方面引入更多經驗，但論江湖地位則仍要首推已有超過90場國際賽經驗嘅30歲中鋒艾曼侯辛（Aymen Hussein，艾卡瑪），就係靠佢喺對玻利維亞嘅附加賽一箭定江山，保送伊拉克入決賽週。新生代講求技術同控球嘅則可以留意曼聯青訓出身、現時喺烏德勒支II隊打緊荷乙嘅施丹伊基巴，亞洲區外圍賽作客印尼就係靠佢攻入全場唯一入球。伊拉克前場其實有一定速度與衝擊力，只係整體上仍係會較為依賴核心球員嘅臨場發揮。

伊拉克好大程度係靠紀律同戰意彌補同列強之間嘅差距，進攻上亦一直係靠艾曼侯辛、穆罕納特阿里（Mohanad Ali，迪巴SC）兩位中鋒喺中路接應短傳，兩翼唔夠發達會較輸蝕，但嚟緊可留意年初成功進入意乙冠軍威尼斯嘅左翼馬高法積（Marko Farji），與及「新加盟」嘅前瑞典U21右翼阿密特卡森（Ahmed Qasim，拿舒維爾），後者更係踢緊MLS，阿諾特如果冇乜成績上嘅負擔大可以趁決賽週俾多啲機會新人，話唔定會製造出驚喜。

分組賽賽程（香港時間）
17/06/2026 (06:00) 伊拉克 vs 挪威
23/06/2026 (05:00) 法國 vs 伊拉克
27/06/2026 (03:00) 塞內加爾 vs 伊拉克

分類:

足球資訊

2026世界盃 - I組伊拉克

分類:

標籤:

關於我們:

快速連結:

聯絡我們: