德甲賽前分析(29/11/2025-01/12/2025)

足球資訊 | 德國甲組足球聯賽(2025/26) | 發布日期: 27/11/2025

29/11/2025 03:30 慕遜加柏(德甲12) vs RB萊比錫(德甲2)

慕遜加柏持續復蘇，主帥Polanski帶隊已取得正賽四連勝，中鋒Tabakovic德甲射入七球遇上Kleindienst復出分工或要重新調節。RB萊比錫中場新星Ouedraogo因膝傷將長期缺陣，對中場組織影響有待觀察。

29/11/2025 22:30 拜仁慕尼黑(德甲1) vs 聖保利(德甲16)

拜仁作客阿仙奴錄得今季首敗需要出氣袋，加上回到德甲主場有Diaz歸隊，已經聯賽八連敗嘅客隊聖保利凶多吉少。

29/11/2025 22:30 雲達不來梅(德甲9) vs 科隆(德甲10)

科隆調整期看似未完，近兩個月來七戰已係四負。雲達則係剛剛五場不敗終結，門將長田澪繼續受到關注。

29/11/2025 22:30 柏林聯(德甲8) vs 海登咸(德甲18)

海登咸輸埋俾反彈中嘅慕遜加柏，近期戰績為二和四負，球隊士氣低落。主場出擊嘅柏林聯大概最想趁今場幫首席前鋒Ilic開齋（今季只曾在德國盃入波）。

29/11/2025 22:30 賀芬咸(德甲7) vs 奧格斯堡(德甲13)

奧格斯堡上週小勝漢堡終於可以喘一口氣，嚟緊對手賀芬咸近四次對碰和咗三次看似再多咗啲希望。賀芬咸本身近況好好（四勝一和），加上主場之利仍會秤先。

30/11/2025 22:30 漢堡(德甲14) vs 史特加(德甲5)

兩年前附加賽史特加主客雙殺漢堡，今個星期則要面對歐霸幾乎full team搏盡嘅後遺症。重傷多時嘅中堅Zagadou復出首次踢足全場即告再傷，後防選擇唔會太多。

01/12/2025 00:30 法蘭克福(德甲6) vs 禾夫斯堡(德甲15)

法蘭克福不斷變陣試圖改善防守但適得其反，歐聯主場淨吞阿特蘭大三蛋已無法直接出線，傷及中鋒Burkardt就更係頭痕。禾夫斯堡聯賽已係慘不忍睹嘅七連敗，二號前鋒Wind更係做咗手術有排休養。

01/12/2025 02:30 弗賴堡(德甲11) vs 緬恩斯(德甲17)

弗賴堡雖則俾拜仁大炒後再喺歐霸和波，形勢點都要比客緬恩斯為好：歐協聯贏晒頭三場嘅緬恩斯週四輸波，門將Zentner更係早早傷出，番到聯賽則要面對Amiri、Kohr同時缺陣，同冇晒成條中軸無異。