德甲精選賽前分析(14/03/2026-16/03/2026)

足球資訊 | 德國甲組足球聯賽(2025/26) | 發布日期: 12/03/2026

14/03/2026 03:30 慕遜加柏(德甲12) vs 聖保利(德甲16)

主勝: 51.6% 客勝: 23.0%

慕遜加柏大敗俾拜仁實屬小兒科，問題係當要展開聖保利、科隆、海登咸搶分之旅之際卻遇上皇牌中場Reitz直紅今場停賽。聖保利已經保持三場不敗，且已係連續兩場clean sheet。然而右路主力Saliakasjc上場因傷退場，好大機會缺席。

14/03/2026 22:30 利華古遜(德甲6) vs 拜仁慕尼黑(德甲1)

主勝: 25.8% 客勝: 55.0%

拜仁傷情進一步惡化，一、二號龍都傷之下要出動三號門將Ulreich，佢要為爭取可能係最後一份嘅一年期職業合約奮鬥。拜仁歐聯作客大勝但再見到Davies、Musiala傷出都咪話唔擔心，下週中歐聯次回合就算已有五球在手，今仗保險起見都宜保守至上。

14/03/2026 22:30 法蘭克福(德甲7) vs 海登咸(德甲18)

主勝: 58.8% 客勝: 19.1%

法蘭克福今季換領新帥後主打防守穩健，近況整體防線表現算成功，但偶然會顧此失彼忘帶射門鞋。海登咸已係12場不勝只取三分，全季作客亦只係得過四分，已同附加賽席位相差十分但暫時仍未投降。

14/03/2026 22:30 多蒙特(德甲2) vs 奧格斯堡(德甲9)

主勝: 77.3% 客勝: 10.0%

多蒙特上週作客擊敗科隆，但球隊表現仍未算十分穩定，攻中Brandt已確定將於賽季結束離隊，翼鋒Adeyemi投閒置散亦有意外闖。奧格斯堡上輪雖然2:3不敵RB萊比錫，但護級形勢比漢堡更要好，壓力減輕後的奧格斯堡有望發揮更穩定嘅競技狀態。（多蒙特後衛Bensebaini停賽）

14/03/2026 22:30 賀芬咸(德甲3) vs 禾夫斯堡(德甲17)

主勝: 54.8客勝: 25.2%

聯賽榜第六、七名差距已拉開至九分，賀芬咸重返歐洲賽場嘅目標已大致完成最低目標，上場趁對住海登咸更係試俾Prass擔任正選右翼，Prass隨即交貨獨取兩球。禾夫斯堡方面輸埋俾漢堡終於惹嚟球迷柴台，會方亦終於解僱教練Bauer，改請曾帶隊贏德國盃冠軍及殺入歐聯八強嘅「專業救火員」Hecking接手。Hecking上任首個難題係上場二號門將M.Müller領紅今場停賽，只能用番今季打到患得患失嘅Grabara。

15/03/2026 01:30 漢堡(德甲10) vs 科隆(德甲14)

主勝: 50.5% 客勝: 24.7%

漢堡首循環作客科隆輸夠1:4，但兩隊自嗰時起發展已見明顯分野。漢堡最近表現穩定，上輪作客禾夫斯堡贏波後積分已達29分，留級在望。中堅借將Vuskovic表現持續出色，令球隊防線更為穩固。科隆則自踏入2026年以嚟僅得八分，戰績令人失望。雖然教練Kwasniok一早續咗約，但今年嘅差勁成績已加重佢要保住職位嘅壓力。

15/03/2026 22:30 雲達不來梅(德甲13) vs 緬恩斯(德甲15)

主勝: 36.1% 客勝: 37.6%

雲達不來梅近況有明顯改善，就連客場表現變得更具韌性，最近一場作客擊敗柏林聯締造今季首次連勝，傷咗成個上半季嘅左閘Deman開齋，餘下較重要嘅後防傷員Coulibaly、Pieper、Agu亦預期喺嚟緊一兩場陸續歸隊，隊中士氣得以回升。緬恩斯近期聯賽三連和有少少失望，但Fischer接任教練後帶領球隊場均獲得1.5分，已係交足貨。緬恩斯同時要面對歐協聯十六強嘅激烈競爭，關鍵球員Amiri因傷缺陣，對球隊中場調度帶嚟一定挑戰。

15/03/2026 22:30 弗賴堡(德甲8) vs 柏林聯(德甲11)

主勝: 57.0% 客勝: 19.9%

弗賴堡上週同利華古遜踢出3:3高比分和局，翼鋒Grifo終於打破今年以來嘅入球荒，為球隊注入更多進攻活力。弗賴堡同時要應付歐霸盃十六強，人手調配壓力係有，今場主要寄望係主場之利與及柏林聯延續頹勢。柏林聯上週主場慘敗俾雲達不來梅，中場Schäfer直紅今場停賽，防線核心Querfeld亦已累積五張黃牌被迫缺陣，正選三後衛陣容只剩Doekhi一人可用。

16/03/2026 00:30 史特加(德甲4) vs RB萊比錫(德甲5)

主勝: 38.0% 客勝: 35.7%

史特加同RB萊比錫呢場第四、五名之爭非常關鍵。史特加近期在歐戰前後多次失分，顯示球隊在體能及精神調節上存在困難，右閘Vagnoman上回合變成主戰歐霸聯賽輪休，但近期亦不敵傷患，估計會令後防帶來壓力。萊比錫則受惠於對手偏弱已連續五場不敗，左翼Diamonde近期轉打右翼後射門更具威脅，近七場踢入四球，暗湧則係中場Schlager已因傷錯過兩場。

分類:

足球資訊

德甲精選賽前分析(14/03/2026-16/03/2026)

分類:

標籤:

關於我們:

快速連結:

聯絡我們: