德甲精選賽前分析(07/03/2026-09/03/2026)

足球資訊 | 德國甲組足球聯賽(2025/26) | 發布日期: 05/03/2026

07/03/2026 03:30 拜仁慕尼黑(德甲1) vs 慕遜加柏(德甲12)

主勝: 89.3% 客勝: 3.8%

拜仁門神紐亞已經跟隊復操，暫定目標會係今場復出。慕遜加柏上輪主場小勝柏林聯稍為提振士氣，但本輪主力防中Engelhardt因停賽缺陣。

07/03/2026 22:30 弗賴堡(德甲8) vs 利華古遜(德甲6)

主勝: 26.8% 客勝: 48.6%

弗賴堡近三次主場出擊都未能取勝，今場較為利好係攻中Manzambi刑滿可以復出，喺佢停賽三場期間弗賴堡輸咗兩場合共只入一球。本已唔夠人用嘅利華古遜傷情擴大，再遇上星期三加插一場作客漢堡嘅補賽，期間已要作大量輪換。

07/03/2026 22:30 緬恩斯(德甲14) vs 史特加(德甲4)

主勝: 39.5% 客勝: 32.9%

史特加上半季已先後喺聯賽、盃賽贏過緬恩斯，優勢頗為明顯。緬恩斯經歷換帥、冬窗買人後開始有起色，但繼中鋒Hollerbach後輪到中場大腦Amiri都加入十字軍，球隊近況明顯回落。

07/03/2026 22:30 RB萊比錫(德甲5) vs 奧格斯堡(德甲9)

主勝: 69.4% 客勝: 12.7%

奧格斯堡近一個月進步明顯，過去五場取得五勝一和，今場防線重心Zesiger因停賽，卻遇上接連硬撼萊比錫、多蒙特、史特加嘅魔鬼賽程。萊比錫本身已係近六次主場出擊全勝，稍為要注意係近況仍唔算穩定，又遇上主力中場Schlager新近受傷。

07/03/2026 22:30 禾夫斯堡(德甲17) vs 漢堡(德甲11)

主勝: 55.6% 客勝: 20.2%

禾夫斯堡上場再大敗一場0:4排名跌至尾二，主帥Bauer暫時仍保住教鞭。禾堡今場估計仍要缺少中場Svanberg，而漢堡今場有後防主力Muheim停賽則比較大鑊。漢堡接連兩仗都只係僅負一球俾前列分子稍為可惜，週中加插補賽對利華古遜亦需要靠輪換支撐。

07/03/2026 22:30 海登咸(德甲18) vs 賀芬咸(德甲3)

主勝: 18.2% 客勝: 63.2%

海登咸已連續11場不勝（三和八負），冬窗借用後傷多過踢嘅後衛Stergiou已係陣中唯一喺德甲對碰中贏過賀芬咸嘅球員。賀芬咸剛喺上場離奇輸俾聖保利，中場Prömel傳出下季將會轉投史特加對士氣或有負面影響，但隊波整體仍算穩定。

08/03/2026 01:30 科隆(德甲13) vs 多蒙特(德甲2)

主勝: 22.5% 客勝: 55.6%

唔少主力受傷或缺態嘅科隆去年11月至今15場波就只係贏過兩場，教練Kwasniok已係壓力極大。多蒙特上週主場輸埋俾拜仁照計已經夢醒，今場縱有助攻王Reyerson刑滿復出卻又輪到後衛Can再次重傷。

08/03/2026 22:30 聖保利(德甲15) vs 法蘭克福(德甲7)

主勝: 27.3% 客勝: 45.9%

法蘭克福逐步企穩卻同時傳來噩耗：繼新援前鋒Ebnoutalib之後輪到門將Santos同樣嚴重膝傷，兩位都好大機會提前收咧，而仍在恢復嘅後衛Theate、前鋒Batshuayi又應未趕及補上。

09/03/2026 00:30 柏林聯(德甲10) vs 雲達不來梅(德甲16)

主勝: 49.1% 客勝: 23.3%

雲達不來梅上週主場靠士氣先至能夠小勝海登咸， Milosevic爭贏正選位後即取得入球，只係左閘Agu復出踢咗兩場又再傷過令球隊難言有咩長遠planning。柏林聯贏完利華古遜上週作客慕遜加柏即再輸波陷入低迷，中堅Leite自二月傷出以嚟球隊就只係贏咗呢一場咁大把。