德甲精選賽前分析(31/01/2026-02/02/2026)

足球資訊 | 德國甲組足球聯賽(2025/26) | 發布日期: 30/01/2026

31/01/2026 03:30 科隆(德甲10) vs 禾夫斯堡(德甲12)

主勝:41.1% 客勝:33.9%

科隆、禾夫斯堡首循環癲鳳鬥狂龍，雙方踢成3:3平手之餘，其中更有三球係補時階段先至入，如今兩隊都係狀態低迷，科隆近十場只贏過一場，而禾堡同期只係輸少一場。

31/01/2026 22:30 法蘭克福(德甲8) vs 利華古遜(德甲6)

主勝:26.4% 客勝:51.0%

法蘭克福後防一再成為最大漏洞，歐聯一如所料輸埋俾熱刺羞家出局，球會物色新帥進度亦見緩慢，兩位看守教練起碼要捱埋今場。歐聯執番個尾彩嘅利華古遜仍要面對人手短缺問題，雖然已問慕遜加柏急借失勢門將Omlin，但全季只喺非洲盃發光發亮嘅前鋒Ben Seghir歸隊後又再證實受傷。

31/01/2026 22:30 RB萊比錫(德甲4) vs 緬恩斯(德甲16)

主勝:69.5% 客勝:13.9%

緬恩斯補充人員後總算成功增加贏波頻率，新援前鋒Tietz亦開始交出入球同埋助攻，但仍僅限於贏到名次差唔多咁低嘅對手。整體實力較強嘅RB週中多踢咗一場補賽，只能同聖保利踢成1:1平手。

31/01/2026 22:30 雲達不來梅(德甲15) vs 慕遜加柏(德甲11)

主勝:39.2% 客勝:35.4%

慕遜加柏近期變番輸多贏少，但問題應唔會比雲達不來梅為多。雲達後防大規模傷患未有好轉跡象，週中補賽面對賀芬咸亦係毫無還擊之力，呢場波隊長後衛Friedl停賽有得休息可能係件好事。

31/01/2026 22:30 奧格斯堡(德甲13) vs 聖保利(德甲17)

主勝:37.9% 客勝:30.6%

奧格斯堡上週爆冷作客擊敗拜仁慕尼黑，取得救命三分之餘，亦大大提升隊內士氣。聖保利則喺週中補賽憑補時階段射入十二碼追平RB萊比錫，令教練稍感欣慰。整體而言奧格斯堡仍要面對前線火力不足嘅問題，但今場有主場之利，又比對手有較多休息相對仍會有些少優勢。

31/01/2026 22:30 賀芬咸(德甲3) vs 柏林聯(德甲9)

主勝:54.5% 客勝:24.0%

柏林聯連和三場之後，上場主場俾多蒙特淨勝三球。賀芬咸則越踢越順，週中補賽贏埋雲達後已係四連勝，稍有不慎係防中主將Burger直紅導致今場停賽。

01/02/2026 01:30 漢堡(德甲14) vs 拜仁慕尼黑(德甲1)

主勝:16.2% 客勝:65.1%

拜仁無論幾時面對漢堡都會預期一場大勝。拜仁上週意外輸俾奧格斯堡後已喺歐聯賽場收拾心情小勝燕豪芬取得直接出線十六強資格，今場亦係時候磨拳擦掌一洗上週大意輸波嘅尷尬。

（其餘賽程請留意更新）