德甲精選賽前分析(07/02/2026-09/02/2026)

足球資訊 | 德國甲組足球聯賽(2025/26) | 發布日期: 05/02/2026

07/02/2026 03:30 柏林聯(德甲9) vs 法蘭克福(德甲8)

主勝:43.0% 客勝:33.6%

柏林聯面對法蘭克福往績打成平手，上季更係上演雙殺，今場主場再遇上法蘭克福新官上任佔晒先機，係要留意歇冬後至今仍未搵番節奏。法蘭克福近五場全部係失三球，新教頭Riera點樣執漏係一大看點。

07/02/2026 22:30 弗賴堡(德甲7) vs 雲達不來梅(德甲15)

主勝:58.3% 客勝:21.6%

弗賴堡冬窗冇新收購，繼續靠原班人馬打天下。雲達不來梅近10場不勝，唔覺唔覺已跌至護級組門口，球會急急炒教練換帥卻係一波三折，傳出慘食多件檸檬過後終於請來頂盡帶過漢堡打德乙嘅Daniel Thioune。

07/02/2026 22:30 緬恩斯(德甲16) vs 奧格斯堡(德甲11)

主勝:60.5% 客勝:16.2%

兩隊谷底部隊換帥、擴軍、調整嘅軌跡亦係近似。主隊緬恩斯較受打擊係前鋒Hollerbach今季已經報銷，最前位置已要靠晒冬窗新買嘅Tietz、Silas。奧格斯堡新兵亦係比較多，表現或會飄忽。

07/02/2026 22:30 禾夫斯堡(德甲14) vs 多蒙特(德甲2)

主勝:25.0% 客勝:54.4%

同慕遜加柏一樣，禾夫斯堡看守教練又係一坐正就成績回落，近六場平均只得0.67分，呢一刻已要當護級咁打。多蒙特前面識攻但後防亦未至於十分穩定，主力齊腳嘅話表現會較有保證。

07/02/2026 22:30 聖保利(德甲17) vs 史特加(德甲4)

主勝:15.2% 客勝:58.5%

聯賽已係六場不勝嘅聖保利稍作輪換出戰星期二嘅德國盃，再吞利華古遜三蛋出局。就算比同樣要打德國盃嘅史特加多唞一日，都難言會比客隊有好大著數。

7/02/2026 22:30 海登咸(德甲18) vs 漢堡(德甲13)

主勝:51.4% 客勝:19.7%

海登咸原有陣容傷情仍係嚴峻，主場尚要寄望新借番嚟嘅Stergiou、Behrens（後衛）與及Dinkci（翼鋒）能早日發揮作用。客隊漢堡近況較佳，上週追平拜仁士氣更有所提升，陣中亦有丹麥借將攻中Gronbaek準備上陣，但與此同時翼鋒 Dompe因醉駕繼續俾球會內部停賽，更甚係隊長中場Capaldo亦係儲夠黃牌需要停賽。

08/02/2026 01:30 慕遜加柏(德甲12) vs 利華古遜(德甲6)

主勝:21.4% 客勝:57.2%

利華古遜先後喺聯賽、盃賽射入三球，但要留意重要性日漸提高嘅攻中Maza呢兩場都有傷缺陣。慕遜加柏看守教練Polanski坐正後隊波又打回原形，得分過度依賴中鋒Tabakovic（包辦超過四成入球）亦令隊波變得較易應付。

08/02/2026 22:30 科隆(德甲10) vs RB萊比錫(德甲5)

主勝:24.3% 客勝:50.1%

科隆歇冬後五場總算贏到第二場，與此同時翼鋒新星Said El Mala對外界嘅吸引力並冇減退，El Mala已有意欲離隊之餘，最近更傳出白禮頓曾打算連埋佢個大佬兼隊友Malek一併打包。RB萊比錫歇冬後只踢出兩勝一和二負，上週主場輸埋俾緬恩斯就更係質疑聲音四起，短期內長唞復出嘅右閘Henrichs或會俾到隊波更高嘅穩定性。

09/02/2026 00:30 拜仁慕尼黑(德甲1) vs 賀芬咸(德甲3)

主勝:71.2% 客勝:14.1%

拜仁輸完俾奧格斯堡再遭漢堡追平，中後場不論喺賽場內外都籠罩住不穩定嘅氣氛，中堅Upamecano扭扭擰擰最終續約、中場Goretzka掙扎多時亦終告季尾離隊，一連串嘅球員去向塵埃落定後有望令隊波重拾穩定性。賀芬咸冬窗不斷放售、外借曾係主力嘅球員，似乎對夏窗所入嘅一批新血已經十分滿意，稍為可惜係其中一個優質收購防中Burger將要停賽。

分類:

足球資訊

德甲精選賽前分析(07/02/2026-09/02/2026)

分類:

標籤:

關於我們:

快速連結:

聯絡我們: