10/11/2025 曼城 vs 利物浦

足球資訊 | 英格蘭超級足球聯賽(2025/26) | 發布日期: 08/11/2025

比賽日期	主隊	客隊	主勝機率	和局機率	客勝機率
2025-11-10 00:30	曼城	利物浦	65.3 %	16.7 %	18.0 %

主勝機率	和局機率	客勝機率
65.3%	16.7%	18.0%

排名: 英超(2) vs 英超 (3)

曼城同利物浦每次交鋒，都製造唔少經典賽事。近三次曼城主場戰果旗鼓相當，各勝一場另一場賽和。今季兩隊繼續喺聯賽榜拍住上，曼城排第二利物浦第三，只係相差一分。喺呢個死球崛起嘅球季，對兩隊以傳控為主嘅技術型球隊無疑係個大挑戰，唔少英超球隊為搶分而踢簡單直接嘅實用足球。名宿加力查認為2019曼城同利物浦嘅英超巔峰對決，可以話係英超史上質素最高嘅一場比賽。當年嘅偽九，內切邊後衛，快上快落，技術極高令人難忘。事隔多年，哥迪奧拿喺賽前記招表示，佢哋喺英超最大嘅對手仍然係利物浦。

曼城喺聯賽繼續係一人球隊，仍然係靠夏蘭特(Erling Haaland)嘅入球撐住大局。今季腳風大順，上場對般尼茅夫入波之後佢以機械人動作慶祝。不過入球機器總有唔順嘅時候，而夏蘭特喺英超對手中，入波最少嘅就係利物浦，往往被雲迪克(Virgil van Dijk)貼身招呼到冇啖好食。遇到呢啲對手，就係哥帥希望有人挺身而出之時。周中歐聯對多蒙特科頓(Phil Foden)有精彩演出，除咗兩個入球，中龍，長傳同盤扭成功次數都係全隊最多，呢個咁特出嘅表現，令佢成為歐聯賽日最佳球員。卓基(Rayan Cherki)傷癒復出亦令球隊進攻上多一瓣，對般尼茅夫用頭頂比夏蘭特射入精彩助攻，周中歐聯自己亦有進帳。

利物浦經歷黑暗期，七場輸咗六場之後重回正軌，聯賽贏維拉，歐聯亦踢出今季嘅代表作。史諾終於調整陣容，中後場用返勝利方程式，羅拔臣(Andrew Robertson)重返陣中，沿用上季中場三子，加上麥卡里士打(Alexis Mac Allister)回勇，中場喺控制速度同硬淨度大大提升，左翼換上穫斯(Florian Wirtz)。如果話曼城係一人球隊，咁利物浦亦有一個撐全家嘅蘇保斯拿爾(Dominik Szoboszlai)，呢位全能中場今季經常客串右閘。史諾喺對維拉將逼搶發電機放返喺攻中，佢全場製造咗三個入球機會同三次射門，射中龍同準確傳中次數係全隊最高。對皇馬亦都係全場預計助攻率最高嘅球員，唔只有個死球助攻，亦激活左右兩邊嘅獲斯同沙拿(Mohamed Salah)。

兩隊周中都踢完歐聯，利物浦比曼城多一日休息，體力上稍為佔優，但論近況，利物浦聯賽近三場作客全敗，曼城就自八月以來主場不敗。面對主場進攻效率特別高嘅曼城，利物浦今季防守不穩，特別係防線推得太前，未能應付對手嘅快速反擊，將會係一大隱憂。

分類:

足球資訊

10/11/2025 曼城 vs 利物浦

分類:

標籤:

關於我們:

快速連結:

聯絡我們: