09/02/2026 利物浦 vs 曼城

足球資訊 | 英格蘭超級足球聯賽(2025/26) | 發布日期: 07/02/2026

比賽日期	主隊	客隊	主勝機率	和局機率	客勝機率
2026-02-09 00:30	利物浦	曼城	37.9 %	31.6 %	30.4 %

主勝機率	和局機率	客勝機率
37.9%	31.6%	30.4%

排名: 英超(6) vs 英超(2)

今季英超角球同界外球成為主角，當越來越多球隊靠死球搶分，高質素球員嘅純技術較量就特別令人期待。今個星期利物浦主場對戰同樣以傳控為主嘅曼城，紅軍首循環喺狀態最低迷之時作客，被技術性擊倒大敗0:3，及後史諾捱過任內最大低潮，將下沉嘅紅軍救返上水面，帥位亦暫時保住，如果能主場踢出漂亮一仗，沙比接任嘅傳聞亦會暫時降溫。

英超冬季轉會窗喺英國時間星期一晚上關上，曼城成為轉會窗大贏家，兩個具豐富英超經驗嘅球員加盟，協助球隊由小低潮中轉勢。利物浦夏季大灑金錢後，一月份嘅傷患潮下並未即時補強，但已經放眼下季，成功擊敗歐洲列強，從雷恩引入法國小將中堅謝利美積基(Jérémy Jacquet)，下季加盟當雲迪克(Virgil van Dijk)接班人。

利物浦近期最火熱嘅拍檔穫斯(Florian Wirtz)同伊基迪基(Hugo Ekitiké)，經過半季磨合擦出火花。上場聯賽對紐卡素，穫斯憑創造力同技術撕破對手防線，交波比禁區內捕靚位嘅伊基迪基射入。季初經歷適應期腳風又唔順，穫斯開始成為球隊重心。後上接應沙拿(Mohamed Salah)橫傳射入嘅一球，除咗係信心嘅表現，亦見到佢同沙拿開始建立默契。伊基迪基對紐卡素入嘅第二球，接應卡卡斯(Milos Kerkez)長傳，步大力雄推過半場射入盡顯功架，有當年利物浦托利斯嘅影子。呢對二十出頭嘅好拍擋場上嘅化學作用，令人諗起謝拉特同托尼斯。今季英超入球助攻嘅組合中，佢哋以6球佔據榜首。

以往雲迪克單挑夏蘭特(Erling Haaland)係比賽焦點，近期入球機器就比卓基(Rayan Cherki)搶晒鏡。卓基季初透過細膩傳球同盤扭，為夏蘭特創造唔少射門機會。近期夏蘭特冇帶射門鞋，卓基就成為最具威脅嘅進攻點。無論打邊路，中路同半空間，都同穫斯一樣係球隊嘅自由創造者。上場2:2和熱刺嘅首個入球，夏蘭特被對手喺禁區邊緊纏，卓基就帶波入禁區扭過對手射入。英超19次上陣，射入3球，交出7個助攻，傳球成功率 84%，數據同場上表現顯示佢已經成為曼城嘅突破點。周中聯賽盃次回合贏紐卡素，哥帥讓主力休息，夏蘭特同卓基只係下半場後備入替。

利物浦近兩場主場連勝共入10球，大勝紐卡素後史諾大贊喺晏飛路熱烈打氣嘅球迷。主隊近期正慢慢重上軌道，曼城近三場聯賽作客不勝，作客熱刺被對手連追兩球扳平，加上周中嘅聯賽盃大戰，體力上較輸蝕，主隊可以睇高一線。

分類:

足球資訊

09/02/2026 利物浦 vs 曼城

分類:

標籤:

關於我們:

快速連結:

聯絡我們: