26/10/2025 阿仙奴 vs 水晶宮

足球資訊 | 英格蘭超級足球聯賽(2025/26) | 發布日期: 25/10/2025

比賽日期	主隊	客隊	主勝機率	和局機率	客勝機率
2025-10-26 22:00	阿仙奴	水晶宮	64.6 %	22.5 %	12.9 %

主勝機率	和局機率	客勝機率
64.6%	22.5%	12.9%

排名: 英超(1) vs 英超(8)

勢不可擋位處聯賽榜首嘅阿仙奴，上場贏富咸之後，拉開榜首優勢到三分，今個星期將會面對開季唔錯但近況麻麻嘅水晶宮。呢場嘅焦點係幾位星級球員對碰：倒戈嘅艾斯(Eberechi Eze)將以速度技術對戰前隊友古希(Marc Guéhi)，中場創造性同技術較量嘅蘇比文迪(Martín Zubimendi)同阿當禾頓(Adam Wharton)，加比爾(Gabriel Magalhães)今季喺禁區內防守滴水不漏，面對狀態大勇，上場聯賽對般尼茅夫大演帽子戲法嘅馬迪達(Jean-Philippe Mateta)。

阿仙奴周中喺歐聯大勝馬德里體育會，13分鐘內轟入四球，歐聯三戰全勝未失一球，喺歐洲球壇霸氣盡現。阿仙奴今季除咗死球戰術更純熟之外，亦不能不提球隊嘅攻守平衡，戰術清晰，執行力亦高。喺對馬體會嘅賽事，中場與前場之間壓縮到令對手難以從中路直線推進，從而創造更多前場搶斷後嘅快速反擊機會。新兵基奧基尼斯(Viktor Gyökeres)，經歷九場嘅入球荒，喺對馬體會連入兩球盡顯射手本色。阿仙奴質量俱全嘅板凳，令到臨場調動，輪換方面都達到效果。

水晶宮近幾場走勢回落，先輸俾愛華頓，再同般尼茅夫激戰成3:3，繼而喺歐洲協會聯賽亦因為一個失誤而輸波。今季表現搶眼嘅包括隊長古希，喺後防除咗演出穩健，亦有入球同助攻。中場阿當禾頓，能夠喺壓力下，作為反搶之後反擊嘅第一點，鋒線上亦有今季各項賽事已經有七個入球嘅馬迪達。水晶宮對踢高位壓迫嘅球隊，往往能靠反擊得手，對低位防守板斧反而唔多。今季聯賽製造最多重要入球機會，同預計入球值最高嘅球隊，同時亦係入球數字反差最大，錯失黃金機會最多。歐洲協會聯賽對塞浦路斯球隊拉納卡，失波之後對手專注防守，水晶宮攻極都未能扳平，最後0:1敗陣，係今年二月份以來首個主場敗仗。

水晶宮過去十四次作客阿仙奴只係贏過一場，兩隊近期走勢係強烈對比，客隊仲要比主隊休少一日，後備兵源不足，體力又較輸蝕，隨時輸少當贏。

分類:

足球資訊

26/10/2025 阿仙奴 vs 水晶宮

分類:

標籤:

關於我們:

快速連結:

聯絡我們: