05/01/2026 曼城 vs 車路士

足球資訊 | 英格蘭超級足球聯賽(2025/26) | 發布日期: 03/01/2026

比賽日期	主隊	客隊	主勝機率	和局機率	客勝機率
2025-01-05 01:30	曼城	車路士	69.0 %	17.2 %	13.9 %

主勝機率	和局機率	客勝機率
69.0%	17.2%	13.9%

排名: 英超(2) vs 英超(5)

本週英超強強對碰前夕，馬列斯卡突然「落車」。佢曾經幫球會捧走世界冠軍球會盃，個多月前先喺歐聯擊敗巴塞隆拿，幾日後十人應戰賽和阿仙奴，成為11月英超最佳領隊。本世紀嘅車路士領隊計，馬列斯卡嘅勝率係最高，但仍未能逃過落鑊嘅命運。近期成績就算有點不濟，照計要炒都未輪到佢。傳媒就繼續爆出唔少驚人內幕：馬列斯卡同管理層關係惡化早已萌去意，佢希望成為哥迪奧拿接班人，喺10月同12月曾經兩次同球會表示同曼城有接觸。適逢嚟緊嘅對手係曼城，為免夜長夢多，管理層決定出手，由U21領隊Calum McFarlane走馬上任為看守領隊。

英國天空電視台分析，導火線係球隊近況欠佳，近七場只係贏得一場，聯賽歐聯喺領先之下共失咗20分。佢跟管理層亦有嚴重分歧，排陣上被干預，球員傷癒復出落場時間冇話事權，甚至傳出對般尼茅夫下半場收起彭馬(Cole Palmer)，係管理層下指令要保護最值錢嘅球員，待高價而沽。賽和後馬列斯卡因病未有出席記招，可能已無心戀戰，再加上管理層知道佢早有離心，近期嘅成績亦令人懷疑佢個心仲係咪喺球隊。

周中對般尼茅夫，車路士先失一球，彭馬射入十二碼追和，雖然安素費南迪斯(Enzo Fernández)入波，最後仍然被對手扳平。又再領先下失分，兩球都係對手嘅手榴彈掟入禁區製造混亂，令車路士成為英超史上第三支作客被兩個界外球攻入嘅球隊。除咗球員專注度問題，身體對抗性不足，防守時失制空權，都係普哲天奴當年提過嘅問題。硬漢卡斯度(Moisés Caicedo)對曼城將會停賽，令中場更加薄弱。

對手曼城，近期表現穩定，正步步進擊榜首阿仙奴，聯賽七連勝之後，未能攻破新特蘭光明球場嘅堡壘，但今季新加盟嘅卓基(Rayan Cherki)仍有唔錯嘅表現，佢以7次助攻同曼聯隊長般奴費南迪斯(Bruno Fernandes)並列英超助攻榜首。曼城曾經希望引入獲斯(Florian Wirtz)代替迪布尼(Kevin De Bruyne)，最後簽咗卓基，後者踢攻中嘅表現亦冇令哥帥失望。加盟只係半季，已融入球隊進攻體系。卓基盤扭靈活，喺狹窄空間突破，而且創造力強，特別擅長交出致命直線，為隊友製造機會，車路士能否守得住卓基，會係勝負關鍵。洛迪(Rodri)上場後備入替令球隊轉勢，呢場有機會正選上陣。

曼城主場向來硬淨，馬列斯卡擅長打大鱷，遇強越強。今場由看守領隊接任，對場內場外嘅影響亦唔細，曼城大有機會趁對手內亂得分。

分類:

足球資訊

05/01/2026 曼城 vs 車路士

分類:

標籤:

關於我們:

快速連結:

聯絡我們: