英超精選賽前分析(16/05/2026-19/05/2026)

足球資訊 | 英格蘭超級足球聯賽(2025/26) | 發布日期: 14/05/2026

直播資訊: Now TV, NowE

16/05/2026 03:00 阿士東維拉(英超5) vs 利物浦(英超4)
主勝: 34.4% 客勝: 44.0%

兩隊同分之餘，亦要為保住下季歐聯席位而繼續努力落去。維拉踢完歐霸後上場只作少量輪換，2:2被已降班嘅般尼逼和。利物浦上週防守表現仍持續唔理想，雖然防中Gravenberch早早入波，但無法延續優勢，俾車路士追平，更俾自家球迷喝倒采。

（同場加映足總盃決賽車路士對曼城預報，請留意網站更新）

17/05/2026 19:30 曼聯(英超3) vs 諾定咸森林(英超16)
主勝: 44.4% 客勝: 36.6%

Cunha冇好似傳聞所講提早休季備戰世界盃，但上場始終少咗傷兵Sesko曼聯即交白卷，新形成嘅鋒線攻勢銳度有所下降。森林近三場作客拎足九分鬥心驚人，但畢竟護級任務已達嚟緊應再難好似前排咁集中，而曼聯為洗雪呢幾季嘅污名「保三」動力唔會細。

17/05/2026 22:00 賓福特(英超8) vs 水晶宮(英超15)
主勝: 51.4% 客勝: 25.4%

兩隊同樣係對上一場作客曼城。星期日先輸0:3嘅賓福特近一個月以來只贏過一場，今場務必要喺作客利物浦前盡力擸分保留出戰歐賽嘅希望。星期三補賽對曼城已見留力嘅水晶宮最後一輪主場對阿仙奴，接下來嘅部署都應以英超完季後嘅歐協聯決賽為本。

17/05/2026 22:00 愛華頓(英超10) vs 新特蘭(英超12)
主勝: 46.7% 客勝: 24.8%

愛華頓上輪客場以2:2賽和疲兵水晶宮，未能把握車路士再失兩分的機會只能維持同分狀態，進軍歐洲之路遭到重大打擊，距離歐洲賽席位仍差兩分，但呢場兩度領先之下都被追平係對防守敲響警號。

17/05/2026 22:00 列斯聯(英超14) vs 白禮頓(英超7)
主勝: 31.5% 客勝: 44.0%

白禮頓上週3:0大勝狼隊，爭歐戰席位希望尚存但已付出代價：主力翼鋒三笘因重傷提前收咧（更估計會錯過埋世界盃），攻擊削弱之餘同時傳出中場Baleba季後離隊，中前場嚟緊會有較多不穩定因素，要多多寄望冇嘢爭嘅列斯聯大發慈悲。

18/05/2026 00:30 紐卡素(英超13) vs 韋斯咸(英超18)
主勝: 62.2% 客勝: 15.7%

紐卡素上週對諾定咸森林再一次未能保住領先優勢，但既已成功留級，球隊上下已可以專心為來季作打算。韋斯咸上週僅因爭議球輸俾阿仙奴一分不袋，但因熱刺又唔生性賽和列斯聯，現時韋斯咸只落後熱刺兩分，護級又重現生機。

19/05/2026 03:00 阿仙奴(英超1) vs 般尼(英超19)
主勝: 82.7% 客勝: 5.8%

曼城星期三輕取水晶宮後只落後榜首阿仙奴三分，阿仙奴今期唔算銳利但勝在穩陣，上輪作客1:0小勝韋斯咸三分盡袋，輸曼城後三連勝之餘亦做到一球不失。客隊般尼今季作客只錄得二勝二和，搞亂爭標大局嘅意欲同能力都欠奉。