01/12/2025 車路士 vs 阿仙奴

足球資訊 | 英格蘭超級足球聯賽(2025/26) | 發布日期: 30/11/2025

比賽日期	主隊	客隊	主勝機率	和局機率	客勝機率
2025-11-29 23:00	車路士	阿仙奴	25.0 %	24.7 %	50.3 %

主勝機率	和局機率	客勝機率
25.0%	24.7%	50.3%

排名: 英超(2) vs 英超(1)

直播資訊: Now 611/621, NowE

倫敦打比焦點戰同時成為英超榜首大戰，車路士主場迎戰榜首阿仙奴。雙方近况、士氣、陣容話題齊備，今場安排喺英超第13週尾場，確係今期最為矚目嘅一仗。

車路士剛喺歐聯主場以3:0大破巴塞隆拿，年輕新人艾斯迪禾（Estevao）連續三場歐聯正選都有入波，狀態火熱。不過，球會高層都知今輪六場正賽不敗（5勝1和）得來不易，球員必需慳住嚟用避免過度消耗，例如艾斯迪禾就未必會因而喺呢場榜首大戰擔正，反而今場最大喜訊係攻中彭馬養傷多時，一復操就已經確認會以正選身份出席今場大戰，可見佢喺隊中嘅重要性。厄瓜多爾防中卡斯度（Moises Caicedo）上週冇落場鬥般尼，對巴塞則係踢足90分鐘，佢如果恢復進度良好嘅話將更能化解阿仙奴嘅高壓。

「車仔」贏巴塞當然威威，但還有一隊更威嘅就係今場對手阿仙奴。近況極順嘅阿仙奴打歐聯就算面對賽前一仗不失嘅拜仁慕尼黑，我哋都較為睇好，而「兵工廠」亦確能以3:1擊敗拜仁，今季歐聯分組賽五戰全勝。教練阿迪達特別讚賞防中迪勤懷斯（Declan Rice）嘅表現，甚至認為佢仲可以變得更強。同主隊車仔一樣阿記都有球員復出沖喜，隊長奧迪哥特（Martin Odegaard）對拜仁已經可以重新落場，兩人再配合近況好fit嘅艾斯（Eberechi Eze），呢個中場陣容將會係阿仙奴近期最豪華嘅一次。前鋒線則有憂有喜，贏拜仁呢場雖然有杜沙特傷出，但與此同時同一位置又見到馬天尼利（Gabriel Martinelli）復出，更要有埋上週大勝熱刺時已經復出嘅另一前鋒馬度基（Noni Madueke），車仔對阿仙奴本已係近七場不勝（近十場亦只係贏到一場），喺關鍵時刻再遇上阿仙奴中前場重要人物陸續歸位，確係有些少唔好彩。

今季從車仔轉會「入廠」嘅馬度基復出第二場，即可以射破紐亞十指關兼取得喺阿仙奴嘅首個入球，自然心大增。對於今場首次倒戈車仔，馬度基直言冇有怕，已經預咗要應付主隊球迷嘅各式各樣「問候」。

分類:

足球資訊

01/12/2025 車路士 vs 阿仙奴

分類:

標籤:

關於我們:

快速連結:

聯絡我們: