英超精選賽前分析(18/04/2026-21/04/2026)

足球資訊 | 英格蘭超級足球聯賽(2025/26) | 發布日期: 18/04/2026

直播資訊: Now TV, NowE

18/04/2026 19:30 賓福特(英超7) vs 富咸(英超12)

主勝: 38.0% 客勝: 37.5%

賓福特中鋒 Igor Thiago 今季英超已攻入 21 球，但並未確保球隊換取佳績，賓福特近四場聯場全部和晒，其中兩場有開紀錄嘅比賽中都係領先之下俾對手（狼隊、愛華頓）追和。

18/04/2026 22:00 列斯聯(英超15) vs 狼隊(英超20)

主勝: 60.5% 客勝: 18.1%

列斯聯上週贏曼聯盡取救命三分，士氣固然大大提升，但中堅Rodon、防中Stach估計要到五月先至復出。狼隊上週大敗喺韋斯咸之下，下季去留大概過埋今週就會塵埃落定。

18/04/2026 22:00 紐卡素(英超14) vs 般尼茅夫(英超11)

主勝: 48.9% 客勝: 32.0%

紐卡素上場作客水晶宮防守部署偏於保守，進攻端亦欠缺主動性，結果反而被對手後來居上逆轉吞下兩連敗。教練Howe 再度棄用 Woltemade 與 Wissa嘅前線組合亦引再次惹嚟質疑。般尼茅夫雖然上輪作客擊敗阿仙奴，距離第七名只差兩分，但隨即傳出主帥 Iraola 將於球季結束後另謀高就。

19/04/2026 00:30 熱刺(英超18) vs 白禮頓(英超9)

主勝: 32.0% 客勝: 47.3%

熱刺喺新帥De Zerbi首戰告負後跌入護級區，進攻端仍舊欠銳利，隊長兼中堅 Romero更係受傷提前收咧，攻守喺生死關頭同步告急。白禮頓則有回勇跡象，上週輪到後衛 Wieffer 連中兩元，但今場仍需要消化隊長中堅 Dunk停賽帶嚟嘅變數。

19/04/2026 03:00 車路士(英超6) vs 曼聯(英超3)

主勝: 48.0% 客勝: 27.9%

車路士紀律先行，上場大戰曼城都要E.Fernandez停賽，睇嚟原定今場繼續停賽嘅決定都唔會改變。曼聯輸俾列斯聯後防線今場更加風聲鶴唳，Maguire加監兼夾再有L.Martinez領紅停賽，反而中場Dorgu、Mainoo就有機會雙雙復出。

19/04/2026 21:00 阿士東維拉(英超4) vs 新特蘭(英超10)

主勝: 55.0% 客勝: 18.3%

算係上岸嘅新特蘭踢風流波已連續擊敗紐卡素同熱刺，除咗上半季傷多過踢嘅元老中堅O'Nien外，18歲攻中Rigg亦經常佔據正選位置。維拉星期四歐霸八強次回合為求安全仍派遣唔少主力先打正選，因傷錯過上週聯賽嘅門將E.Martinez亦已復出。

19/04/2026 21:00 愛華頓(英超8) vs 利物浦(英超5)

主勝: 26.8% 客勝: 46.7%

默郡打比首次喺Hill Dickinson Stadium上演，而愛華頓上次主場出擊就同樣係力理兵疲嘅Big 6車路士。利物浦近況亦係幾頹，三月至今已輸咗六場正賽，其中英超兩場客場全敗，而啱啱歐聯八強主客又各輸兩粒俾fit爆嘅巴黎聖日耳門，當下還要先解決前鋒Ekitike提前收咧所留下嘅空缺。

19/04/2026 21:00 諾定咸森林(英超16) vs 般尼(英超19)

主勝: 42.1% 客勝:25.3%

森林仍要玩雙線齊發，希望喺排名更低嘅般尼身上㩒盡救命三分，承受唔到降班風險得嚟歐霸仍未見加力輪換幅度。中場Elliot Anderson因母親離世缺席歐霸對波圖嘅次回合，而老將前鋒Wood亦喺歐霸比賽期間再傷膝頭提前離場，兩個暫時都係未知歸期。

19/04/2026 23:30 曼城(英超2) vs 阿仙奴(英超1)

（請留意網站詳細分析）

21/04/2026 03:00 水晶宮(英超13) vs 韋斯咸(英超17)

主勝: 41.3% 客勝: 32.5%

水晶宮星期四前往意大利出戰歐霸盃八強次回合對費倫天拿，只能靠總比數而做到輸波出線，球員消耗唔少之餘更有中場Wharton受傷退下火線。韋斯咸則喺上週多得熱刺「助攻」，四個半月以嚟首次離開降班區，近期表現對聯賽中下游球隊足以構成威脅。