英超賽前分析(06/12/2025-09/12/2025)

足球資訊 | 英格蘭超級足球聯賽(2025/26) | 發布日期: 05/12/2025

直播資訊: Now TV, NowE

06/12/2025 23:00 般尼茅夫(英超14) vs 車路士(英超4)

般尼茅夫近期狀態極差，聯賽近五場一和四負。車路士上場作客列斯聯冇咗停賽嘅防中Caicedo即刻出事，而今場Caicedo亦需要約繼坐波監。

06/12/2025 23:00 愛華頓(英超10) vs 諾定咸森林(英超16)

森林最近兩場英超作客先後贏利物浦、狼隊，主隊自不能輕心。愛華頓防中Gueye嘅三場波監嚟到最後一場，喺佢番嚟之前球隊寄望翼鋒Grealish延續上場嘅入波軌跡。

06/12/2025 23:00 曼城(英超2) vs 新特蘭(英超6)

曼城上一場聯賽雖然一度以5:1大幅領先富咸，但下半場的防守跌watt最終被追成5:4，顯示球隊仍有欠穩定。以硬淨見稱嘅新特蘭則喺上場同利物浦打和，佢哋嘅戰術紀律或會令今期嘅曼城感到麻煩。

06/12/2025 23:00 紐卡素(英超12) vs 般尼(英超19)

紐卡素最近表現飄忽依舊，上場補時階段俾熱刺追平2:2，已係今季嘅第五次，而半場即告傷出嘅中場Tonali則有望今場即刻復出。般尼上場眼見水晶宮後勁不繼都未能追上，繼九月開始嘅五場不勝後今期再錄得五連敗。

06/12/2025 23:00 熱刺(英超11) vs 賓福特(英超13)

補時追平紐卡素嘅熱刺贏番士氣，奈何排名只能升番一級位列11。賓福特上場作客阿仙奴大幅度輪換，明顯留力迎接嚟緊好幾場排名接近嘅對手。

07/12/2025 01:30 列斯聯(英超17) vs 利物浦(英超9)

主隊列斯聯上場把握到車路士弱點爆冷贏波，可惜係今場對手利物浦有觸低反彈跡象：教練Slot上場繼續收起Salah，今次輪到處於浪尖嘅攻中Wirtz開齋。

07/12/2025 22:00 白禮頓(英超7) vs 韋斯咸(英超18)

白禮頓上場係今季首次主場輸波，遇上韋斯咸近況有所改善。韋斯咸教練Nuno已表明攻中Paqueta停賽完畢今場即會披甲，之前受傷嘅翼鋒Summerville亦有望喺今場復出。

08/12/2025 00:30 富咸(英超15) vs 水晶宮(英超5)

富咸喺今期英超快車之中算係唞得多嘅隊伍（五日），上場礙於主場面子死追曼城有少少浪費。水晶宮上場對般尼則已見疲態，教練Glasner承認球員疲勞係球隊要面臨嘅一大挑戰。

09/12/2025 04:00 狼隊(英超20) vs 曼聯(英超8)

狼隊全無起色，英超七連敗之餘近五場更係全部吞光蛋。佢哋上季數糊人物Cunha正係出走曼聯，經過傷患後上場已經可以對韋斯咸踢到80分鐘，有望為前線帶嚟實質幫助。