英超精選賽前分析(14/03/2026-17/03/2026)

足球資訊 | 英格蘭超級足球聯賽(2025/26) | 發布日期: 12/03/2026

直播資訊: Now TV, NowE

14/03/2026 23:00 般尼(英超19) vs 般尼茅夫(英超9)

主勝: 21.0% 客勝: 58.3%

般尼茅夫喺英超已係九場不敗（四勝五和），近六場平均失球低於一個，上輪又同直接競爭對手賓福特賽和0:0，稍為鞏固喺英超中游嘅地位。

14/03/2026 23:00 新特蘭(英超11) vs 白禮頓(英超14)

主勝: 45.2% 客勝: 27.6%

新特蘭二號門將Ellborg上場聯賽臨危受命守贏列斯聯，但隨後又喺足總盃不敵韋爾港期間食牌，仍有待磨練。客隊白禮頓則喺上場英超對阿仙奴表現平平，皇牌球員三笘薰更只踢半場即疑似有傷被換令人擔憂，意外發現則係新一年出場時間較少嘅Minteh獲安排頂替三笘薰個左翼位置反而俾到威脅。

15/03/2026 01:30 阿仙奴(英超1) vs 愛華頓(英超8)

主勝: 62.4% 客勝: 17.6%

阿仙奴星期三歐聯作客俾利華古遜睇穿死球防守漏洞先開紀錄，十六強首回合僅和1:1應會令阿記今場備戰部署稍見被動。

15/03/2026 01:30 車路士(英超5) vs 紐卡素(英超12)

主勝: 53.8% 客勝: 23.6%

車路士歐聯十六強客場俾PSG射入五球，後衛Wesley Fofana狀態不足令人擔憂，亦未知會否令教練Rosenior放棄改叫Jorgensen坐正首席門將位置嘅計劃。早一日紐卡素成功趁巴塞多傷兵賽和1:1，臨完場被逼和固然可惜，但今場已大大提升球隊士氣（紐卡素中場主力Ramsey今場將要停賽）。

15/03/2026 04:00 韋斯咸(英超18) vs 曼城(英超2)

主勝: 18.3% 客勝: 59.9%

Guardiola似係有見曼城上輪只能賽和森林，平衡防守與體力之後歐聯作客皇家馬德里排出怪陣招致大敗，今輪作客足總盃淘汰賓福特而士氣大振嘅韋斯咸，應會穩陣行頭兼為次回合儲氣。

15/03/2026 22:00 水晶宮(英超13) vs 列斯聯(英超15)

主勝: 47.4% 客勝: 29.9%

水晶宮近期狀態逐步改善，攻中鐮田大地復出以來雖然五場尚未直接取得入球或助攻，但球隊同期已係重返勝軌，加上前鋒Mateta剛剛亦已喺歐協聯傷癒復出，能夠進一步豐富球隊攻擊線選擇。

15/03/2026 22:00 曼聯(英超3) vs 阿士東維拉(英超4)

主勝: 48.8% 客勝: 23.4%

維拉受傷情困擾最終將第三位讓出俾曼聯。曼聯上輪作客不敵紐卡素處於調整期。而維拉則收到好消息：前鋒Watkins星期四踢歐霸終於取得自一月底以嚟首個入球。

15/03/2026 22:00 諾定咸森林(英超17) vs富咸(英超10)

主勝: 33.1% 客勝: 33.3%

諾定咸森林近期表現持續低迷，新借留嚟即做主力嘅門將Ortega受傷，Selz重獲正選機會雖於上輪英超守和曼城，但隨後歐霸十六強首回合賽事已輸番0:1，球隊喺過去五場正賽均未能取得勝利。富咸則搭緊過山車，正賽連贏三場後上輪聯賽一球輸俾韋斯咸，去到上週末足總盃十六強大幅輪換又不敵英冠修咸頓。

17/03/2026 04:00 賓福特(英超7) vs 狼隊(英超20)

主勝: 51.1% 客勝: 18.9%

賓福特自同般尼踢出4:3後表現低迷，上場英超同直接競爭對手般尼茅夫踢成0:0，及後足總盃又要踢到互射十二碼更係俾韋斯咸淘汰出局。長期墊底嘅狼隊上輪爆出驚喜幸運絕殺利物浦，令球隊士氣獲得一定提升，不過整體表現以至客場戰績都唔會令大家有太多幻想。