21/09/2025 曼聯 vs 車路士

足球資訊 | 英格蘭超級足球聯賽(2025/26) | 發布日期: 20/09/2025

比賽日期	主隊	客隊	主勝機率	和局機率	客勝機率
2025-09-21 00:30	曼聯	車路士	31.5 %	24.9 %	43.6 %

主勝機率	和局機率	客勝機率
31.5%	24.9%	43.6%

直播資訊: Now 611/621, NowE

近期出現「都市傳聞」，指曼聯一直未肯炒教練艾摩廉（圖右）魷魚，皆因要等夠一年先可以賠少筆。姑勿論呢種講法係唔係真，各方都已經認定艾摩廉喺曼聯嘅日子已經唔多。艾摩廉自去年11月走馬上任，帶領曼聯打咗31場正賽剛好就係得嗰31分，平均一場一分比佢帶士砵亭平均每場2.47分真係差天共地。更有唔少人開始引用曼聯一項光輝嘅戰績，原來曼聯自2013年5月以嚟，就已經未再喺主場奧脫福踢聯賽輸過俾車路士，亦即係足足嘅12場不敗，當時仍然由費格遜領軍、傑斯仍喺陣中甚至係踢正選。而依家大家就開始估，過咗星期六晚呢項紀錄會唔會又要告一段落。

無他嘅，上場曼市打比雖然對手曼城排名更低，但一打落就知兩隊相差幾遠。曼聯呢邊防守錯漏百出，進攻亦都係靠晒般奴費南迪斯（Bruno Fernandes）、麥比奧莫（Bryan Mbeumo）同迪亞路（Amad Diallo）等個別球員單打獨鬥，整體戰術缺乏創新同活力。而賽後大家又再問一次點解「B費」唔係放喺攻中位，就好似問緊艾摩廉近一年嚟領略到啲乜咁。季初講到作客富咸嗰場，我哋仍然對呢隊新引入根夏、麥比奧莫、錫斯高（Benjamin Sesko）嘅曼聯抱有希望，如今曼聯開季四場只係贏過一場對般尼嘅賽事，就已經唔係單單因為根夏受傷、錫斯高水土不服就能解釋得到。

花生友密切留意曼聯對車路士嘅不敗勢頭會唔會就此斷纜，但車路士又係唔係真係咁強勢呢？你見佢哋星期三歐聯作客拜仁慕尼黑，有中堅查洛巴（Trevoh Chalobah）擺老烏，又有防中卡斯度（Moises Caicedo）兩度犯錯，俾晒機會拜仁贏到3:1。車路士今期馬不停蹄，呢頭飛完去慕尼黑轉頭就要殺上曼徹斯特，球員嘅負荷唔會係細。我哋前幾日都睇好新復出嘅彭馬（Cole Palmer）足以影響大局，而嚟緊則要再睇埋企呢一邊嘅加拿曹（Alejandro Garnacho，圖左）發展成點。呢位曼聯想offload咗好耐嘅進攻球員剛過到嚟車仔只係踢到第二場波，落場時間有限之下表現只算係不過不失，而佢依家咁快就要重返奧脫福，理應會努力爭取機會建功立威。

分類:

足球資訊

21/09/2025 曼聯 vs 車路士

分類:

標籤:

關於我們:

快速連結:

聯絡我們: