02/03/2026 阿仙奴 vs 車路士

足球資訊 | 英格蘭超級足球聯賽(2025/26) | 發布日期: 28/02/2026

比賽日期	主隊	客隊	主勝機率	和局機率	客勝機率
2026-03-02 00:30	阿仙奴	車路士	51.6 %	22.8 %	25.6 %

主勝機率	和局機率	客勝機率
51.6%	22.8%	25.6%

排名: 英超(1) vs 英超(5)

阿仙奴硬仗連場，北倫敦打吡之後又要再對另一倫敦球隊車路士。上場面對同市宿敵，對手傷兵滿營下，輕而易舉就作客大勝4:1，一洗過去兩場和波嘅頹風霸氣再現。反觀對手車路士，領先後未能把握機會拉開比數，打少個之下被般尼補時追和，未免打窒度氣。今場阿仙奴會主場乘勝追擊，務求繼續保住聯賽首名，而車路士喺羅斯尼亞帶領下，聯賽處於不敗走勢，由於歐聯一席競爭激烈，呢三分亦志在必得，加上羅仙尼亞喺聯賽盃四強次回合對阿仙奴，被批評踢法過於保守以致輸波出局，今場要踢爭氣波，向外界證明自己嘅領軍能力。

車路士射手祖奧柏度(João Pedro)今季入咗14球，只係少過阿仙奴嘅基奧基尼斯(Viktor Gyökeres)1球。根據Opta資料，差唔多場場都有貢獻嘅祖奧柏度近六場聯賽，英超球員中平均得分最高，係近期聯賽狀態最好嘅球員。隨住彭馬(Cole Palmer)慢慢踢返起，祖奧柏度同佢就越來越合拍，兩人喺前場嘅互補性非常強。彭馬嘅射門、禁區前後嘅靈活走位，對拿玻里後備入替，為好拍檔提供兩球助攻，保送車路士直入歐聯八強。對列斯聯嘅兩個入球，亦係兩位嘅一傳一射互相配合，呢對拍檔係羅仙尼亞進攻體系入面最具威脅嘅武器。車路士雖然喺新領隊帶領下精神面貌完全改變，但「見紅」嘅陋習仍然改唔倒，韋斯利科芬拿(Wesley Fofana)攞咗今季球隊嘅第六面紅牌，呢場需要停賽。羅斯尼亞喺執教後嘅六場英超賽事，四後衛都會輪換，所以預計對後防影響不大。

阿仙奴喺打吡戰大數對手，仲打起左兩位起孖嘅基奧基尼斯同艾斯(Eberechi Eze)。艾斯長居後備，落場表現又平平無奇，唯獨對住早前想簽佢嘅熱刺就毫不留情，首循環大演帽子戲法，作客亦入兩球。而基奧基尼斯經過半季漸漸融入球隊，單計2026年，佢已經各項比賽有10球進帳，英超球員中最多，同祖奧柏度一樣，係英超最當時得令嘅前鋒之一。對熱刺嘅第一個入球，盡顯功架同射手本色。一個有質素嘅射手，可能就係阿仙奴爭冠嘅最後一塊拼圖。對手車路士擅長快速轉守為攻，阿仙奴能否用中場控制比賽節奏，以控球壓住對手同緊釘最具創造性嘅彭馬，將會喺呢場比賽嘅關鍵。

羅仙尼亞帶領球隊嘅十二場賽事只得兩場敗仗，就係聯賽盃對阿仙奴。車路士對賽阿仙奴歷史上攞得最多紅牌，踢少個就易失分，今年計領先下失分最多嘅車路士，大戰穩打穩扎嘅阿仙奴，特別要注重紀律，先有機會作客搶分。

分類:

足球資訊

02/03/2026 阿仙奴 vs 車路士

分類:

標籤:

關於我們:

快速連結:

聯絡我們: