英超精選賽前分析(11/02/2026-13/02/2026)

足球資訊 | 英格蘭超級足球聯賽(2025/26) | 發布日期: 09/02/2026

直播資訊: Now TV, NowE

11/02/2026 03:30 車路士(英超5) vs 列斯聯(英超16)

主勝: 64.9% 客勝: 15.5

車仔上場面對狼隊較難提起戰意，慢熱之下仍有攻中Palmer談笑用兵獨取三球全取三分。列斯聯上場稍為意外同樣以3:1盡贏森林，嚟緊將要接連作客車仔、維拉，番到主場再遇曼城，總需要有所取捨。

11/02/2026 03:30 愛華頓(英超8) vs 般尼茅夫(英超11)

主勝: 38.2% 客勝: 38.8%

愛華頓上場拎足三分帶有些少偶然性，而般尼茅夫則已累積聯賽五場不敗（三勝二和），新買嘅巴西中鋒Rayan已俾到球迷驚喜，首兩場已有入球助攻各一。

11/02/2026 03:30 熱刺(英超15) vs 紐卡素(英超12)

主勝: 40.0% 客勝: 32.6%

紐卡素將展開地獄賽程，首仗即有對手熱刺隊長Romero停賽先讓一步，但紐卡素今季作客成績欠說服力，再加上進攻效率轉趨低下，想乘人之危都唔係咁容易。

11/02/2026 04:15 韋斯咸(英超18) vs 曼聯(英超4)

主勝: 36.1% 客勝:40.4%

卡域克治下嘅曼聯踢出四連勝，氣勢一時無兩，亦盛傳曼迷「剪髮哥」已book定師傅準備等到五連勝即可落髮。但韋斯咸冬窗增兵後已有起色，曼聯想締造五連勝仍需謹慎行事。

12/02/2026 03:30 阿士東維拉(英超3) vs 白禮頓(英超14)

主勝: 51.2% 客勝: 26.3%

白禮頓僅贏般尼後已喺英超五場不勝，教練Hürzeler冇板斧之餘亦已同球迷形成緊張狀態。相比之下維拉一和一負都唔係好得多，但主場出戰仍會看高一線。

12/02/2026 03:30 水晶宮(英超13) vs 般尼(英超19)

主勝: 44.1% 客勝: 26.3

水晶宮剛剛贏白禮頓成功將連敗場數停留喺十場，賽後教練Glasner接受水晶宮球迷歡呼，可見呢位講明會走嘅教頭仍然甚得民心，呢場勝仗將俾到全隊上下回一回氣嘅機會，而歐霸附加賽亦已係今場之後八日嘅事。

12/02/2026 03:30 曼城(英超2) vs 富咸(英超10)

主勝: 68.7% 客勝: 11.5%

曼城新兵、第二梯隊球員逐漸同一隊夾得埋，右翼Semenyo加盟後已取得兩個入球，中堅Guehi更喺上仗頂得住主隊利物浦嘅壓力成為贏波功臣之一，表現備受讚賞。

12/02/2026 03:30 諾定咸森林(英超17) vs 狼隊(英超20)

主勝: 46.8% 客勝: 24.0%

主隊森林剛剛意外俾列斯聯贏夠3:1，今場賽後又要準備歐霸附加賽作客費倫巴治，顧慮頗多。狼隊下星期日足總盃第四圈作客第四級別球隊，但到時應會輪換，今場估計可以放手一搏。

13/02/2026 04:00 賓福特(英超7) vs 阿仙奴(英超1)

主勝: 28.0% 客勝: 46.5%

賓福特上場作客紐卡素半場敢於變陣，改叫Ouattara踢番左邊屈速致勝，今場面對阿仙奴就較難故技重施。阿仙奴今期失去Merino就輪到Gyökeres冒起，今期獲得復出嘅Havertz不斷餵波，後者近兩星期四場波已有兩入球兩助攻。