19/10/2025 利物浦 vs 曼聯

足球資訊 | 英格蘭超級足球聯賽(2025/26) | 發布日期: 18/10/2025

比賽日期	主隊	客隊	主勝機率	和局機率	客勝機率
2025-10-19 23:30	利物浦	曼聯	78.4 %	14.3 %	7.3 %

主勝機率	和局機率	客勝機率
78.4%	14.3%	7.3%

排名: 英超(2) vs 英超(10)

國際賽期後嘅英超大戰，球迷最關心嘅係球員呢兩個星期嘅比賽狀態，最重要係冇傷冇病。今個星期日雙紅會嘅主角，國腳們踢完世界盃外圍賽都平安歸隊，部份更踢少一場有幾日休息，對準備大戰尤其重要。事關曼聯開季至今成績未如理想，只係喺第十位嘅中游位置，而利物浦就各項賽事作客三連敗。面對宿敵非勝不可，全取三分更可以為球隊一洗頹風。

利物浦開季五連勝，之後就迎來水晶宮，加拉塔沙雷，車路士三場作客敗仗，兩場被絕殺。新舊班底未夾倒，球員落場欠缺信心，部份球員又狀態低沉，國際賽期正係來得及時，比冇態嘅球員踢番起。事實上，利物浦大部分球員喺國際賽期都有好表現，加普(Cody Gakpo)兩場國際賽入咗三球亦有一個助攻, 兩閘卡卡斯(Milos Kerkez)，干拿巴特利(Conor Bradley)返到國家隊就做番最擅長嘅落底線傳中。狀態低迷嘅麥卡里士打(Alexis Mac Allister)同埋沙拿(Mohamed Salah)亦都有入球。沙拿係過去17場對戰曼聯貢獻左23個入球，只要回復狀態，佢會係今場利物浦最重要嘅武器。

對手曼聯就係另一個課題，麥比奧莫(Bryan Mbeumo)同錫斯高(Benjamin Sesko)新黎報到都交到功課。曼聯上場聯賽對新特蘭，個別球員都有唔錯嘅表現，包括連續兩場聯賽有入球嘅錫斯高，復出嘅曼治(Mason Mount)亦有入波，處子登場嘅門將拿文斯(Senne Lammens)亦比倒人信心。曼聯最受批評嘅唔係球員，而係領隊艾摩廉。班主拉傑夫公開表示，雖然球隊現時成績唔理想，但明白要一朝一夕取得成功係唔可能，會比艾摩廉三年時間去證明自己。今季曼聯嘅預計入球值係英超最高，只係欠缺埋門質素。對手射門次數，由佢接手以黎，已經大大改善。雖然數據未轉化做成績，亦可能係艾摩廉得到班主繼續投以信任一票嘅重要原因。

利物浦勢頭欠佳，但主場氣勢強勁，自2016年以來未曾喺主場輸過俾曼聯。曼聯自三月以黎八場作客未嘗一勝，今季贏嘅三場都喺奧脱福，兩場對升班馬，一場係十人應戰嘅車路士，表現暫時未能俾倒人信心，中場般奴費南迪斯(Bruno Fernandes)防守上嘅弱點多次被暴露，曼聯今季已經有三球係輸對手反擊，面對紅軍速度技術兼備嘅中前場，作客之旅將會相當艱巨。

分類:

足球資訊

19/10/2025 利物浦 vs 曼聯

分類:

標籤:

關於我們:

快速連結:

聯絡我們: